राहुलकुमार अवचट / यवत (पुणे) : यशवंतराव चव्हाण कला क्रीडा स्पर्धा नुकतीच शारदा हायस्कूल सहजपूर येथे पार पडली या स्पर्धेत दहिटणे येथील जिल्हा परिषद शाळेच्या विद्यार्थ्यांनी घवघवीत यश संपादित केले आहे.
जिल्हा परिषद प्राथमिक शाळा दहिटणे या शाळेच्या विद्यार्थ्यांनी तब्बल अकरा स्पर्धेत प्रथम क्रमांक पटकावून यश प्राप्त केले. यामध्ये कबड्डी मोठा गट – मुले, कबड्डी मोठा गट- मुली,खो-खो लहान गट -मुली या सांघिक खेळात शाळेला प्रथम क्रमांक मिळाला आहे. वैयक्तिक स्पर्धात प्रश्नमंजुषा स्पर्धात मोठा गटात सार्थक धोंडीबा पिलाणे, तेजस्विनी संतोष चव्हाण, गोळा फेक मोठा गटात पायल सतिश कोकाटे,वाहिद जमीर शेख, थाळी फेक स्पर्धेत पायल सतीश कोकाटे, लांब उडी स्पर्धेत तेजस्विनी संतोष चव्हाण, अलंकार लक्ष्मण बर्डे , ५० मीटर धावणे स्पर्धेत स्वराज संतोष चव्हाण यांनी प्रथम क्रमांक मिळविला आहे.
सर्व यशस्वी खेळाडूंचे व मार्गदर्शक केलेल्या शिक्षकांचे अभिनंदन करण्यात आले. ग्रामपंचायत दहिटणे तसेच शाळा व्यवस्थापन समिती दहिटणे आणि समस्त ग्रामस्थ दहिटणे यांच्यातर्फे अभिनंदन करून पुढील काळात बीट पातळीवरील होणाऱ्या स्पर्धेसाठी शुभेच्छा देण्यात आल्या.
