पुणे : वैष्णवी हगवणे प्रकरणात हगवणे कुटुंबाच्या वकिलांनी केलेल्या दाव्याने प्रकरणाला नवं वळण लागलं आहे.वैष्णवी नको त्या व्यक्तीशी चॅट करत होती. तिला आम्ही पकडलं, असा गंभीर आरोप केला आहे.
वैष्णवी आत्महत्या प्रकरणात हगवणे कुटुंबाच्या बाजूने वकील विपुल दोशी यांनी युक्तीवाद केला. यावेळी वैष्णवीचं न्यायालयात चारित्र्यहणण करण्याचा हगवणेंच्या वकीलांनी प्रयत्न केला. आमच्याकडे पाच कोटींच्या गाड्या आहेत. आम्ही चाळीस लाखांच्या फॉर्चुनरसाठी कशाला छळ करु, असा हगवणे कुटुंबाचं म्हणणं आहे. वैष्णवी नको त्या व्यक्तीशी चॅट करत होती, तिला आम्ही पकडलं असा गंभीर आरोप त्यांनी केला आहे.
वैष्णवीने याआधीही आत्महत्या करण्याचा प्रयत्न केला होता, हगवणे कुटुंबाने केलेल्या या गंभीर आरोपाने वैष्णवी आत्महत्या प्रकरणाला वेगळं वळण लागलं आहे. हगवणे कुटुंबाचे वकील विपुल दोशी यांनी ही माहिती दिली आहे .
राजकीय क्षेत्रात दबदबा असलेल्या कुटुंबातील शशांक हगवणे यांच्यासोबत वैष्णवी यांचा प्रेम विवाह झाला होता.विवाह सोहळ्यात वैष्णवी यांच्या वडिलांनी पाण्यासारखा पैसा ओतला होता हे समोर आलं आहे.मात्र प्रेमविवाह असूनही इतके करण्याची गरज होती का असा सवाल देखील उपस्थित केला जात आहे.
Edited5:53 pm
