प्रतिनिधी – -पोपट पाचंगे,रांजणगाव गणपती
Shirur News: शिरूर: यशवंतराव चव्हाण कला, क्रीडा व सांस्कृतिक महोत्सव अंतर्गत तालुकास्तरीय क्रीडा स्पर्धेत जिल्हा परिषद प्राथमिक शाळा, ढोकसांगवी येथील विद्यार्थ्यांनी उल्लेखनीय कामगिरी करत घवघवीत यश संपादन केले, अशी माहिती शाळेचे मुख्याध्यापक सुभाष जाधव यांनी दिली.
थाळीफेक (मोठा गट) या क्रीडा प्रकारात आकाशकुमार पंचम शर्मा याने तालुक्यात प्रथम क्रमांक पटकावला. तसेच १०० मीटर धावणे (मोठा गट) या स्पर्धेत रंथा विज याने तृतीय क्रमांक मिळवला. याशिवाय खो-खो (मोठा गट मुले) या संघाने उत्कृष्ट खेळाचे प्रदर्शन करत द्वितीय क्रमांक प्राप्त केला.
या यशासाठी शाळेच्या सुनिता खोपडे, रोहिदास सोदक, मच्छिंद्र नवले, पंडित तळेकर,संतोष भोसले,गंगाराम थोरात, जिजाबापू गट, संभाजी दिवटे व लालासाहेब जाधव यांनी विद्यार्थ्यांना मार्गदर्शन केले. या यशाबद्दल शाळा व्यवस्थापन समितीचे अध्यक्ष रुपेश पाचंगे, उपाध्यक्ष अकुंश गोरड, माजी अध्यक्षा साधना पाचंगे,सदस्या अश्विनी पाचंगे,माजी विद्यार्थी संघांचे अध्यक्ष गोवर्धन पाचंगे, उपाध्यक्ष गणेश मलगुंडे, कार्याध्यक्ष पोपटराव पाचंगे यांसह ग्रामस्थांनी यशस्वी विद्यार्थी व मार्गदर्शक शिक्षकांचे अभिनंदन केले.
दरम्यान,शाळेच्या या यशाबद्दल गटशिक्षणाधिकारी बाळकृष्ण कळमकर,शिक्षण विस्तार अधिकारी किसन खोडदे व केंद्रप्रमुख संजय सुतार यांनी सर्वांचे विशेष अभिनंदन केले.
