Satara News: सातारा: सातारा जिल्हा पोलीस दलातून एक हादरवणारी घटना समोर आली. पोलीस शिपाई म्हणून काम करत असलेल्या एका तरुणाचा अकाली मृत्यू झाला. चक्क करणारी बाब म्हणजे निधन होण्यापूर्वी त्याने स्टेटस ठेवला होता. सावडणे विधीची वेळ आणि ठिकाण लिहून त्यांनी व्हॅट्स अॅपवर स्टेटस (Whatsapp Status) ठेवला आणि काही वेळानंतर त्यांचा मृत्यू झाला. (police constable death)
सातारा पोलीस दलात या घटनेनंतर शोककळा परसली आहे. मिळालेल्या माहितीनुसार, सचिन लावंड असं तरुणाचे नाव होते. काही दिवसांपूर्वीच त्यांना कावीळ झाली होती म्हणून डॉक्टरकडे उपचार सुरु होते आणि उपचारादरम्यान त्यांचं निधन झालं.
व्हॅट्सअॅपला स्टेटस ठेवल्यानंतर अनेक सहकार्यांनी त्याची चौकशी केली तेव्हा त्यांच्या निधनाची बातमी समोर आली. उपचारादरम्यान त्यांची प्रकृती बिघडली असल्याने त्यांचा मृत्यू झाला अशी माहिती डॉक्टरांनी दिली.
सचिन लावंड हे सातारा पोलीस मुख्यालयात कार्यरत होते. काही दिवसांपूर्वीच पुसेगाव पोलीस ठाण्यात बदली झाली होती. बदली झाल्यानतंर अवघ्या चारच दिवसात ते कावीळने आजारी पडले. त्यामुळे त्यांनी रजा घेतली. डॉक्टरांनी सांगितले की, कावीळचा संसर्ग त्यांच्या संपूर्ण शरीरात पसरल्याने त्यांची प्रकृती अधिकच गंभीर बनली होती. आणि दुर्दैवाने त्यांना मृत्यने गाठलं. या घटनेनंतर सचिन यांच्या कुटुंबियांवर मोठा दुखाचा डोंगर कोसळला आहे.
विशेष म्हणजे जे स्टेटला ठेवले अन् तसचं झालं अशी चर्चा संपूर्ण गावात केली जात आहे. सचिनच्या जाण्याने त्यांच्या मित्र परिवारात आणि सहाकार्यांत मोठी पोकळी निर्माण झाली.
