हरियाणा: हरियाणातील पानिपत (Viral News) येथे चार (Crime News) चिमुरड्यांच्या हत्येप्रकरणी (Hariyana News) पूनम नावाच्या महिलेला अटक करण्यात आली असून या मुलांमध्ये तिचा स्वतःचा मुलगाही असल्याचे समोर आले आहे. सुंदर दिसणाऱ्या मुलांचा ती द्वेष करायची आणि त्यांना पाण्याच्या टब किंवा छोट्या भांड्यात बुडवून ठार करत असल्याची कबुली तिने पोलिसांसमोर दिली आहे. मुलांची हत्या केल्यानंतर ती आनंद साजरा करायची, अशी माहितीही पोलिसांनी दिली. (Breaking News)
नौल्था गावात एका लग्न समारंभात 6 वर्षांची विधी नावाची मुलगी टबमध्ये मृतावस्थेत आढळली. तिची उंची टबपेक्षा जास्त असून बुडण्याची शक्यता कमी असल्याने पोलिसांना संशय आला. बाथरूमचा दरवाजा बाहेरून बंद होता. सीसीटीव्ही फुटेज तपासताना पूनमच त्या ठिकाणी ये-जा करताना दिसली. कुटुंबीयांनी तक्रार केल्यानंतर पूनमची चौकशी झाली आणि तिने धक्कादायक खुलासा केला. विधीच नव्हे तर तिच्याआधी आणखी 3 मुलांची हत्या केल्याचे तिने मान्य केले. यातील एक मुलगा तिचाच होता.
2023 मध्ये सोनीपतच्या बोहड गावात पूनमने आपल्या नणंदेच्या मुलीला पाण्याच्या हौदात बुडवून ठार केले होते. कोणाला संशय येऊ नये म्हणून तिने स्वतःच्या मुलालाही त्याच पद्धतीने ठार केले. तेव्हा कुटुंबीयांना तो अपघात वाटला होता. 2025 मध्ये माहेर सिवाह गावात गेल्यावर तिने एका भाचीलाही बुडवून मारले, पण यावेळीदेखील ते अपघात समजले गेले. मात्र, विधीची हत्या झाल्यानंतर पोलिसांनी 36 तासांत प्रकरणाचा तपास लावला आणि सत्य समोर आले.
पोलिसांच्या मते, पूनम सुंदरतेचा द्वेष करायची. तिला वाटायचे की तिच्यापेक्षा सुंदर कोणीही नसावे. त्यामुळे सुंदर मुलांना पाहून तिच्या मनात राग निर्माण व्हायचा आणि ती हत्येची योजना आखायची. सध्या पूनमला अटक करण्यात आली असून तिच्या मानसिक आरोग्याची तपासणी केली जात आहे. तिने आणखी काही मुलांना लक्ष्य केले होते का, याचा तपासही पोलिसांकडून सुरू आहे.
