Riddhima Kapoor : मुंबई : बॉलिवूडमध्ये नेहमी कपूर कुटुंब आणि कुटुंबातील मुलींची चर्चा असते. आता कारण करिश्मा, करीना नाही तर, कपूर कुटुंबातील रणबीर कपूरची बहीण रिद्धीमा ठरलीये. नवा ट्रेंड सेट करत वयाच्या 43 व्या वर्षी बॉलिवूडमध्ये पदार्पण करणार आहे.गेल्या कित्येक वर्षांपासून कपूर कुटुंब बॉलिवूडवर राज्य करत आहे. पृथ्वीराज कपूर यांच्यापासून राज कपूर, ऋषी कपूर, रणधीर कपूर यांनी त्यांच्या काळात उत्तम कामगिरी केली. त्यानंतर अभिनेत्री करीना कपूर, करिश्मा कपूर यांनी बॉलिवूडवर राज्य केलं, त्यानंतर आता अभिनेता रणबीर कपूर पत्नी आलीयाससोबत बॉलिवूडमध्ये सक्रिय आहे. पण आता कपूर कुटुंबाची आणखी एक लेक बॉलिवूडमध्ये पदार्पण करण्यासाठी सज्ज झाली असल्याची माहिती समोर येत आहे. पण याबद्दल कोणी अद्याप अधिकृत घोषणा केलेली नाही.
रिद्धीमा हिचं सौंदर्य बॉलिवूडच्या अव्वल अभिनेत्रींना मागे टाकेल असं आहे. रिद्धीमाने अनेक वेळा सांगितलं आहे की तिला बॉलिवूडमध्ये कधीच मोह नव्हता. पण आता ‘फॅबुलस लाइव्स ऑफ बॉलिवूड वाइव्स सीजन 3’ मध्ये रिद्धीमा मुख्य भूमिकेत दिसणार असल्याची चर्चा रंगत आहे. रिद्धीमा एक प्रसिद्ध ज्वलरी डिझायनर आहे. रिद्धीमा हिचं लग्न उद्योगपती भरत सहानी यांच्यासोबत झालं आहे. दोघांना एक मुलगी देखील आहे. रिद्धीमा अभिनेत्री नसली तरी, सोशल मीडियावर तिच्या चाहत्यांची संख्या फार मोठी आहे. रिद्धीमा देखील चाहत्यांच्या संपर्कात राहण्यासाठी स्वतःचे फोटो आणि व्हिडीओ सोशल मीडियावर पोस्ट करत असते.
