Rajesh Tope : जालना : आमदार बबनराव लोणीकर आणि आमदार राजेश टोपे यांची एक तथाकथित ऑडिओ क्लिप समाज माध्यमामध्ये व्हायरल झाल्यानंतर एकच खळबळ उडाली होती. ज्यात, लोणीकर आमदार राजेश टोपे यांना अर्वाच्य भाषेत शिवीगाळ करत डोके फोडण्याची धमकी देत होते. यावर आता राजेश टोपे यांची प्रतिक्रिया आली आहे. “राज्याची संस्कृती ही ओव्यांची आहे, शिव्यांची नाही. खालच्या पातळीचे राजकारण हा आमचा कधीच विषय नाही आणि नव्हता देखील,” असे टोपे म्हणाले आहेत.
व्हायरल ऑडिओ क्लिपबाबत राजेश टोपे यांनी एक्सवर ट्वीट करत म्हटले आहे की, “महाराष्ट्राची परंपरा सुसंस्कृत राजकारणाची आहे. आम्ही ही परंपरा निष्ठेने जपत आलो आहोत. राज्याची संस्कृती ही ओव्यांची आहे, शिव्यांची नाही. खालच्या पातळीचे राजकारण हा आमचा कधीच विषय नाही आणि नव्हता देखील. राजकीय जीवनातील संस्कृती, मर्यादा आणि सभ्यता याचाच आम्ही पुरस्कार करीत आलो आहोत, असे टोपे म्हणाले.
आमदार बबनराव लोणीकर यांनी आमदार राजेश टोपे यांना फोनवर अर्वाच्य भाषा वापरली. ती ऑडीओ क्लिप व्हायरल होत आहे. जालना जिल्हा बँकेच्या उपाध्यक्ष पदावरून झालेल्या वादातून या दोन्ही आमदारांचा वाद असल्याचे बोलले जात आहे. बबनराव लोणीकर यांचा मुलगा राहुल लोणीकर याना उपाध्यक्ष करण्यावरून हा वाद होता. राहुल यांना उपाध्यक्ष करण्याचं ठरल्यानंतर देखील तसे झाले नसल्याने राग अनावर झाला. लोणीकर यांनी टोपे यांना शिवीगाळ केल्याचे बोलले जात आहे. दरम्यान, राज्यातील इथेनॉल आणि कांदा प्रश्ननी तोडगा काढावा यासाठी 2 दिवसांपूर्वी शरद पवार यांनी अमित शाह यांना भेटण्यासाठी वेळ दिला होता. याच बैठकीसाठी माजी मंत्री राजेश टोपे सध्या दिल्लीत आहेत. त्यामुळे त्यांची
