पुणे: पुणे जिल्ह्यात हुंड्यासाठी (Pune Crime) आणि माहेरून पैसे आणण्यासाठी (Pune News) विवाहितेचा शारीरिक आणि मानसिक छळ केल्याची धक्कादायक घटना समोर आली आहे. या प्रकरणी विमानतळ पोलीस ठाण्यात पतीसह सासरच्या चार जणांविरुद्ध गुन्हा दाखल करण्यात आला आहे. या घटनेने पुन्हा एकदा हुंडाबळीविरोधी कायद्याची कठोर अंमलबजावणी करण्याची गरज अधोरेखित झाली आहे. (Breaking News)
मरकळ (ता. खेड) येथील रहिवासी आदित्य अनिल लोखंडे (28), सासरे अनिल किसन लोखंडे (53), सासू सुवर्णा अनिल लोखंडे (48) आणि नणंद समृद्धी अनिल लोखंडे (25) या चौघांवर गुन्हा नोंदवला आहे. 26 वर्षीय पीडित विवाहितेने विमानतळ पोलिसांकडे तक्रार दिली आहे. (Marathi News)
लग्नानंतर दोन महिन्यात छळ सुरु
मिळालेल्या माहितीनुसार, फिर्यादी विवाहितेचा आणि आदित्य लोखंडे यांचा विवाह 22 ऑगस्ट 2023 रोजी मोठ्या थाटामाटात झाला होता. लग्नात तिच्या वडिलांनी सुमारे 2 कोटी रुपये खर्च करून 55 तोळे सोने, 2 किलो चांदीची भांडी, इलेक्ट्रिक वस्तू आणि फॉर्च्युनर गाडी असा मोठा मानपान दिला होता. मात्र, लग्नानंतर अवघ्या दोन महिन्यांतच छळाची मालिका सुरू झाली. (Marathi Batmya)
हेही वाचा : आता सहन होत नाही… वडिलांच्या ‘तसल्या’ त्रासाला कंटाळून पुण्यातील अल्पवयीन मुलीची आत्महत्या
वारंवार पैशांचा तगादा
पती आदित्यचा वाढदिवस असल्याचे कारण सांगून सासरच्या मंडळींनी विवाहितेला वडिलांकडून सोन्याचे कडे आणण्याची मागणी केली. तिच्या वडिलांनी 4 तोळे वजनाचे कडे, 25 हजार रुपयांचे घड्याळ आणि 35 हजार रुपये वाढदिवसासाठी दिले. तरीही या मागण्या थांबल्या नाहीत. पती आणि सासरच्या लोकांकडून वारंवार पैसे आणण्यासाठी तिच्यावर शारीरिक आणि मानसिक छळ केला गेला, असा आरोप तिने केला आहे. (Latest News)
सासऱ्याने अंगावर हात टाकला
याहून गंभीर म्हणजे सासऱ्याने तिचा विनयभंग केल्याचा आरोपही तिने तक्रारीत नमूद केला आहे. सततच्या छळाला कंटाळून तिने माहेरी आश्रय घेतला आणि नंतर पोलिसांकडे धाव घेतली. विमानतळ पोलीस या प्रकरणाचा पुढील तपास करत आहेत.
