Pune Accident News: पुण्यात दिवसेंदिवस अपघात प्रकरण वाढत चाललं आहे. अश्यातच आणखी एक अपघाताची बातमी समोर येत आहे. कंटेनरला दुचाकीची धडक लागल्याने भूसार मार्केटजवळ एक अपघात घडला आणि या अपघातात (Accident) 11 वर्षाच्या मुलीने आपला जीव गमावला. या घटनेनंंतर भूसार मार्केट परिसरात एकच खळबळ उडाली. (Pune Accident News)
हेही वाचा- पुण्यात ससून रुग्णालयाचा प्रताप ! भाजप पदाधिकाऱ्याचा सासरा बेपत्ता; नेमकं प्रकरण काय?
मिळालेल्या माहितीनुसार, पार्क केलेल्या कंटेनरला एका वेगात येणाऱ्या दुचाकीने धडक दिली. ही धडक इतकी जोरात होती की, यात दुचाकीवर बसलेल्या मुलीचा अपघाती मृत्यू झाला. मुलगी आपल्या काका आणि काकी सोबत दुचाकीवरून बाहेर जात होते. दरम्यान ही घटना घडली. दुचाकीवरील दोघे जण गंभीर जखमी झाले.
दुचाकी वेगाने येत असल्याने हा अपघात घडला अशी माहिती प्रत्यक्षदर्शींनी दिली. अपघाताची माहिती मिळताच घटनास्थळी पोलीस दाखल झाले. अपघाताची नोंद घेत मुलीचा मृतदेह ताब्यात घेतला. अपघातानंतर घटनास्थळी एकच खळबळ उडाली.
या अपघात प्रकरणी दुचाकी चालक मुकेश सरदार वाघेला याचावर गुन्हा दाखल करण्यात आला आहे. या घटनेनंतर वाघेल कुटुंबावर दुखाचा डोंगर कोसळला आहे. सारिका दिनेश वाघेला असं अपघातात मृत झालेल्या मुलीचे नाव आहे. अस मुकेश आणि त्याची पत्नी या अपघातात जखमी झाले. दोघांवर रुग्णालयात उपचार सुरु असल्याची माहिती समोर येत आहे.
