लहू चव्हाण
पाचगणी : ‘आय लव्ह पाचगणी’फेस्टिव्हल अंतर्गत कै.भाऊसाहेब भिलारे स्टेडियमवर आयोजित केलेल्या रस्सीखेच स्पर्धेत पाचगणी पोलिस स्टेशनच्या संघाने विजेतेपद पटकावले.
पाचगणी(ता.महाबळेश्वर) येथे दि. २ ते ४ डिसेंबर दरम्यान ‘आय लव्ह पाचगणी’फेस्टिवल आयोजित करण्यात आला होता. शेवटच्या दिवशी Tug Of War tournament (रस्सीखेच) मध्ये पाचगणी पोलीस स्टेशनच्या संघाने विजय प्राप्त केला.
या स्पर्धेत पाचगणी पोलिस स्टेशनच्या संघाने प्रारंभीपासूनच चांगला खेळ खेळत सर्वांचे लक्ष वेधून घेतले. अतिशय चुरशीच्या झालेल्या अंतिम सामन्यात पाचगणी पोलीस स्टेशन संघाने हनुमान मंडळाचा पराभव करून विजेतेपद पटकावले.
संघामध्ये पाचगणी पोलीस स्टेशनचे प्रभारी अधिकारी सतिश पवार,स.पो.नि. यशवंत महामुलकर, पोलीस नाईक जितेंद्र कांबळे, मनोज जायगुडे, नीलेश माने, प्रकाश जगताप, सागर नेवसे, वैभव भिलारे, नितीन कदम आदी पोलिसांनी सहभाग घेतला होता.
