पुणे : येत्या महाशिवरात्रीनिमित्त बारा ज्योतिर्लिंगापैकी एक असलेल्या त्र्यंबकेश्वर या ठिकाणी भाविक मोठ्या संख्येने दाखल होत असतात. या ठिकाणी त्रंबकेश्वर देवस्थान समितीच्या वतीने सांस्कृतिक कार्यक्रम ही आयोजन करण्यात येत असतात. अभिनेत्री प्राजक्ता माळी महाशिवरात्रीनिमित्त सह कलाकारांसोबत शिवस्तुती नृत्यविष्कार या ठिकाणी सादर करणार आहे पण तिच्या या नृत्यविष्काराला त्र्यंबकेश्वर देवस्थानच्या माजी विश्ववस्ताकडून विरोध करण्यात आला आहे. त्यामुळे प्राजक्ता माळीला मोठा झटका बसला आहे.
अभिनेत्री प्राजक्ता माळी ही तिच्या नृत्य कौशल्यासाठी ओळखली जाते तसेच ते शिवभक्त ही आहे. याआधी तिने श्री श्री रविशंकर यांच्या बेंगलोर इथल्या आर्ट ऑफ लिविंग फाउंडेशनच्या आश्रमात ही लावणी सादर केली होती. त्यानंतर महाशिवरात्रीच्या निमित्ताने नृत्यद्वारे ती शिवस्तुती सादर करणार होती. मात्र त्याला आता विरोध करण्यात येत आहे. याबाबत आता त्र्यंबकेश्वर देवस्थानाच्या माजी विश्वस्त ललिता शिंदे यांनी ग्रामीण पोलिसांना पत्र लिहलं असून त्यामध्ये महाशिवरात्रीनिमित्त या ठिकाणी धार्मिक तसेच सांस्कृतिक कार्यक्रमाचे आयोजन करण्यात आला आहे, अशा पवित्र दिवशी सेलिब्रिटी इव्हेंटची परंपरा नाही, पायंडा पाडू नका…असं त्यांनी पत्रात म्हटलं आहे.
याबाबत पुढे बोलताना ललिता शिंदे यांनी, महाशिवरात्रीचा दिवस हा अतिशय पवित्र असा आहे. या ठिकाणी शास्त्रीय नृत्य किंवा कथ्थक नृत्य अशा प्रकारचे नृत्य प्रकार असते तर तर समजू शकलं असतं. पण सेलिब्रिटींना बोलवून इव्हेंट करण्याचा पायंडा त्र्यंबकेश्वर देवस्थानाकडून पाडला जातोय, ते चुकीचं आहे, असं त्यांनी स्पष्ट शब्दांत म्हटलंय. यावर आता मंदिर विश्ववस्तांकडून आणि प्राजक्ता कडून कोणतीही प्रतिक्रिया समोर आली नाही.
