पुणे : आज सकाळी पावणे सातच्या सुमारास सिंहगड रस्त्यावरील एका वाहानातून मोठ्याप्रमाण ऑइल गळती झाली आहे. सिंहगड रस्त्यावरील पानमळा ते राजाराम पुलाच्या दरम्यान ही ऑइल गळती झाली असून ही ऑइल गळती अवजड वाहानातून झाली असण्याची शक्यता आहे.
ऑइल गळतीची माहिती मिळताच सिंहगड रोड व जनता वसाहत केंद्रातील येथील अग्नीशामक दल तातडीने पोहोचले. अग्निशमन दलाच्या जवानांनी माती व भुस्सा टाकत धोका दुर केला.
सिंहगड रस्ता हा नेहमी गजबजलेला असतो. त्यामुळे या ऑइल गळतीवरून दुचाकीस्वार घसरून पडण्याची शक्यता जास्त आहे. त्यातच सकाळी गर्दीच्या वेळात कार्यालयात पोचण्याच्या गडबडीत अपघात होण्याची शक्यता असल्याने नागरिकांनी दुचाकी व चारचाकी वाहणे काळजीपूर्वक चालवावीत असे आवाहन अग्निशामक दलाच्या वतीने करण्यात आले आहे.
