पिंपरी चिंचवड :- पिंपरी चिंचवड सोशल मीडिया परिषदेतील रिक्त पदावर शहरात कार्यरत असणाऱ्या पत्रकारांची नियुक्ती करून नवीन कार्यकारणी जाहीर करण्यात आली. यामध्ये अध्यक्षपदी सुरज साळवे यांची बिनविरोध निवड करण्यात आली आहे.
पिंपरी चिंचवड पत्रकार संघ व सोशल मीडिया परिषद यांची सोमवारी (ता..१८) संयुक्त बैठक आयोजित करण्यात आली होती. यावेळी मार्गदर्शक म्हणून पिंपरी चिंचवड पत्रकार संघाचे अध्यक्ष अनिल वडघुले, जेष्ठ पत्रकार नाना कांबळे, जेष्ठ पत्रकार बाळासाहेब ढसाळ आदी मान्यवर मोठ्या संख्येने उपस्थीत होते.
यावेळी बोलताना पिंपरी चिंचवड पत्रकार संघाचे अध्यक्ष अनिल वडघुले म्हणाले कि, पत्रकार हा समाजाचा चेहरा आहे. गरिबांच्या अडीअडचणी प्रशासनाच्या निदर्शनास आणून दिल्या पाहीजेत. सोशल मीडियामुळे लोकशाही बळकट होण्यास मदत झाली आहे. नविन पदाधिकाऱ्यांनी पत्रकार संघटना बळकट करण्यासाठी प्रयत्न करावेत. असे वडघुले यांनी सांगितले आहे.
आता सोशल मीडिया हे प्रभावी माध्यम आहे. परंतू येणाऱ्या काळात अजून मिडियाचे स्वरूप बदलणार आहे. त्यामुळे पत्रकारांनी कार्यरत असणे महत्वाचे आहे अशा भावना जेष्ठ पत्रकार नाना कांबळे यांनी व्यक्त केल्या. तर बातम्या कॉपी पेस्ट न करता पत्रकारांनी स्वतंत्र बातम्या कराव्यात. काम करत असताना नवख्या लोकांनी जुन्या पत्रकारांचे मार्गदर्शन घ्यावे अशी प्रेमळ सूचना जेष्ठ पत्रकार बाळासाहेब ढसाळ यांनी केली.
यावेळी नवनिर्वाचित अध्यक्ष सुरज साळवे म्हणाले की, डिजीटल क्रांतीमुळे पत्रकारितेचे स्वरूप बदलले आहे.त्यामुळेच पत्रकारांची मातृ संस्था समजल्या जाणाऱ्या मराठी पत्रकार परिषद मुंबई या संघटनेने काही महिन्यापूर्वी सोशल मीडिया परिषद नावाची एक वेगळी विंग तयार करून डिजिटल मिडियात काम करणाऱ्या पत्रकांच्या अडीअडचणी सोडविण्यासाठी काम करत आहे. वेब पोर्टल, यूट्यूब चॅनलचा पत्रकार म्हटल तर वेगळ्या नजरेने बघितले जाते त्यामुळे विश्वासार्हता जपणे महत्वाचे आहे.
दरम्यान, शहरात सोशल मीडिया परिषदेची व्याप्ती वाढत असून डिजिटल मीडियात काम करणाऱ्यांनी संघटनेत येऊन स्वतःची एक वेगळी ओळख निर्माण करावी. नवीन निवड झालेले पदाधिकारी संघटनेला बळकटी देण्याचे काम करतील. असे बोलून पुढील वाटचालीस साळवे यांनी सोशल मीडिया परिषदेची नवीन कार्यकारणीला शुभेच्छा दिल्या. यावेळी पिंपरी चिंचवड पत्रकार संघ व सोशल मीडिया परिषदेचे सदस्य मोठ्या संख्येने उपस्थित होते. या कार्यक्रमाचे आभार पत्रकार महावीर जाधव यांनी मानले.
सोशल मीडिया परिषदेची नवीन कार्यकारणी पुढील प्रमाणे:-
१) सुरज साळवे – अध्यक्ष
२) देवा भालके – उपाध्यक्ष
३) अविनाश परबत – उपाध्यक्ष
४) महावीर जाधव – उपाध्यक्ष
५) गणेश मोरे – कार्याध्यक्ष
६)अशोक कोकणे – प्रवक्ता
७) राकेश पगारे – चिटणीस
८) सागर बाबर – सरचिटणीस
९)सिताराम मोरे – खजिनदार
१०) संतोष गोतावळे – सह खजिनदार
११) मुझ्झफर इनामदार – सह खजिनदार
१२)राम बनसोडे – सहसचिव
१३) मनोज शिंदे – प्रसिद्धी प्रमुख
