Monsoon Update : पुणे : राज्यासह देशभरातील नागरिकांना यंदा दुहेरी संकटाचा सामना करावा लागू शकतो. एकीकडे उष्णतेच्या लाटा आणि दुसरीकडे कमी पावसाचा अंदाज यामुळे मान्सूनबाबत चिंतेचे वातावरण निर्माण झाले आहे. भारतीय हवामानशास्त्र विभागाने (IMD) शुक्रवारी जाहीर केलेल्या सुधारित अंदाजानुसार, यंदाच्या मोसमी पावसात देशात सरासरीपेक्षा कमी पर्जन्यमान होण्याची शक्यता आहे. Monsoon Update
हवामान विभागाने यापूर्वी ९२ टक्के पावसाचा अंदाज व्यक्त केला होता. मात्र आता हा अंदाज आणखी घटवत देशात सरासरीच्या केवळ ९० टक्के पाऊस पडेल, असे स्पष्ट करण्यात आले आहे. जून ते सप्टेंबर या कालावधीत पावसाचे प्रमाण कमी राहण्याची शक्यता व्यक्त करण्यात आली असून जून महिन्यातच पावसाची ओढ जाणवू शकते. Monsoon Update
महाराष्ट्रासाठीही हवामान विभागाचा अंदाज धक्कादायक ठरला आहे. राज्यात यंदा सरासरीच्या केवळ ९४ टक्के पाऊस पडण्याची शक्यता व्यक्त करण्यात आली आहे. त्यामुळे खरीप हंगामावर परिणाम होण्याची भीती व्यक्त होत असून शेतकऱ्यांसमोर मोठे आव्हान उभे राहू शकते. Monsoon Update
दरम्यान, “एल निनो” स्थिती पुढील काही महिन्यांत अधिक सक्रिय होण्याची शक्यता हवामान विभागाने कायम ठेवली आहे. सप्टेंबरपर्यंत ही स्थिती अधिक तीव्र होऊ शकते, असा अंदाज व्यक्त करण्यात आला आहे. यामुळे पावसाचे प्रमाण कमी होण्याबरोबरच पावसाळ्यातही उष्णतेच्या लाटा जाणवण्याची शक्यता आहे. Monsoon Update
हवामान विभागाच्या अंदाजामुळे राज्यातील नागरिकांसह शेतकरी वर्गाची चिंता वाढली असून पाणीटंचाई, इंधन संकट आणि शेती उत्पादनावर परिणाम होण्याची शक्यता व्यक्त केली जात आहे. Monsoon Update
