Maratha Reservation : पुणे : मराठा आरक्षणासाठी लढाई आता टोकाला पोहचली आहे. राज्यभर हिंसक आंदोलन होताणा दिसत आहे. त्यातच मराठा आरक्षणाच्या मागणीसाठी सर्वपक्षीय आमदारांनी मंत्रालयालाच टाळं ठोकलं. या आमदारांनी मंत्रालयाच्या पाय-यांवरच आंदोलन केलं. मंत्रालयाच्या गेटला कुलुप लावत सर्वपक्षीय आमदारांनी विशेष अधिवेशनाची मागणी केली. आमदार राजू नवघरे, अमोल मिटकरी, राहुल पाटील, कैलास पाटील, विक्रम काळे, चेतन तुपे, बाबासाहेब आजबे, यशवंत माने, निलेश लंके, बाळासाहेब पाटील, दिलीप बनकर, बाबाजाणी दुर्रानी, मोहन उबर्डे, शेखर निकम, राजेश पाटील या आमदारांचा यात समावेश आहे.
सत्ताधार-आमदार एकत्र :
उपस्थित सर्व आमदारांनी मंत्रालयाला टाळं ठोकत जोरदार घोषणाबाजी केली. विशेष म्हणजे इतिहासात पहिल्यांदाच सत्ताधारी आणि विरोधी पक्षाचे आमदार या आंदोलनात सामील झाले होते. मराठा आरक्षणासाठी मंत्रालयाला टाळं ठोकणा-या सर्वपक्षीय आमदारांना आझाद मैदान पोलिसांनी ताब्यात घेतलं होत. मात्र तासाभरानंतर पोलिसांनी सर्व आमदारांची सुटका केली.
कुणबी प्रमाणपत्र एका मराठा तरुणानं जाळलं :
सरसकट मराठा आरक्षणाच्या मागणीसाठी धाराशिवमध्ये सुमित माने या तरुणानं कुणबी प्रमाणपत्राची होळी केली. धाराशिव जिल्हाधिका-यांनी सकाळीच कुणबी प्रमाणपत्राचं वाटप मराठा तरुणांना केलं होतं. मात्र मराठ्यांना कुणबी प्रवर्गातून सरसकट आरक्षण मिळावं या मागणीसाठी सुमित माने या तरुणानं कुणबी प्रमाणपत्राची होळी केली. त्याशीवाय धाराशिव जिल्ह्यातील संचारबंदी उठवलीय. धाराशिवचे जिल्हाधिकारी डॉक्टर सचिन ओंबासे यांनी याबाबत लेखी आदेश काढले आहेत. मराठा आंदोलनाच्या पार्श्वभूमीवर जिल्हाधिका-यांनी संचार बंदीचे आदेश काढले होते. आता ही संचारबंदी उठवण्यात आलीय. मात्र शस्त्रबंदी आणि जमावबंदी कायम असणारंय.
संसदेचे विशेष अधिवेशन बोलविण्याची मागणी :
मराठा आरक्षणाच्या मुद्द्यावर संसदेचे विशेष अधिवेशन बोलविण्यात यावं यासाठी नाशिकचे खासदार हेमंत गोडसे आणि हेमंत पाटील यांनी घेतली लोकसभा अध्यक्ष ओम बिर्ला यांची भेट घेतली. राज्यातील मराठा आरक्षणाच्या मुद्यावर लवकरात लवकर विशेष अधिवेशन बोलविण्याची मागणी त्यांनी केलीय.
