Ladki Bahin Yojana : मुंबई, : राज्य सरकारच्या मुख्यमंत्री माझी लाडकी बहीण योजनेबाबत मोठी घडामोड समोर आली आहे. लाभार्थ्यांच्या पडताळणी मोहिमेनंतर तब्बल 80 लाख महिलांना योजनेतून वगळण्यात आले असून, ई-केवायसीसाठी मुदतवाढ देण्यासही सरकारने स्पष्ट नकार दिला आहे. Ladki Bahin Yojana
महायुती सरकारने जुलै 2024 मध्ये सुरू केलेल्या या योजनेअंतर्गत पात्र महिलांना दरमहा 1500 रुपयांची आर्थिक मदत दिली जाते. सुरुवातीला सुमारे 2.46 कोटी महिला या योजनेचा लाभ घेत होत्या. मात्र, कागदपत्रांची तपासणी आणि ई-केवायसी प्रक्रियेनंतर लाभार्थ्यांची संख्या आता 1.66 कोटींवर आली आहे. Ladki Bahin Yojana
ई-केवायसी पूर्ण करण्यासाठी सरकारने 30 मार्चपर्यंत मुदत दिली होती. त्यानंतर ती वाढवून 30 एप्रिलपर्यंत करण्यात आली. मात्र, ही मुदत संपल्यानंतरही प्रक्रिया पूर्ण न केलेल्या महिलांना पुन्हा संधी देण्याची मागणी करण्यात आली होती. सरकारने मात्र या मागणीला नकार देत सध्या मुदतवाढीचा कोणताही प्रस्ताव विचाराधीन नसल्याचे स्पष्ट केले आहे. Ladki Bahin Yojana
याशिवाय, नव्या लाभार्थ्यांची नोंदणी सुरू करण्याबाबतही सरकारकडून कोणताही निर्णय झालेला नसल्याने योजनेच्या लाभार्थी यादीत सध्या कोणताही बदल होणार नसल्याचे या संदर्भातील वृत्त टाइम्स ऑफ इंडियानं दिलं आहे. Ladki Bahin Yojana
