Jammu and Kashmir Accident : जम्मू-काश्मीरमध्ये भीषण अपघाताची बातमी समोर येत आहे. गांदरबल जिल्ह्यात श्रीनगर-लेह राष्ट्रीय महामार्गावर टॅक्सी खोल दरीत कोसळली. या अपघातात ७ पर्यटकांचा मृत्यू झाल्याची प्राथमिक माहिती आहे. ही दुर्घटना जम्मू-काश्मीरच्या गांदरबल जिल्ह्यातील श्रीनगर-लेह राष्ट्रीय राज्य महामार्गावरील जोजिला दर्रेमध्ये झाली आहे.
इंडिया टिव्हीने दिलेल्या वृत्ताच्या हवाल्यानुसार, या अपघातात १ मुलगा गंभीर जखमी झाला असून ७ पर्यटकांचा दुर्दैवी मृत्यू झाला आहे. या अपघातात मृत झालेले पर्यटक हे केरळमधील असल्याचं सांगितलं जात आहे. ते पर्यटनासाठी जम्मू-काश्मीरमध्ये आले होते. टॅक्सी एकूण ८ जण बसले होते. यातील ७ जणांचा मृत्यू झाला आहे.
दरम्यान घटनास्थळी सोनमार्ग पोलीस दाखल झाले असून त्यांनी रेस्क्यू ऑपरेशन सुरू केलं आहे. जखमी रुग्णाला पोलिसांनी रुग्णालयात उपचारासाठी दाखल केलं आहे. केरळचे पर्यटक टॅक्सीतून सोनमार्ग येथे जात होते. टॅक्सी जोजिला दर्रेवर पोहोचली तेव्हा टॅक्सी रस्त्याच्या कडेला जात दरीत कोसळली. दरम्यान, अपघातात चार जणांचा जागीच मृत्यू झाला होता. तर बाकी जखमींना रुग्णालयात नेण्यात आलं. त्यांच्यावर उपचार चालू असताना त्यांचा मृत्यू झाला.
