IAS Tukaram Mundhe Clean Chit: सनदी अधिकारी तुकाराम मुंडे (IAS Tukaram Munde) यांच्यावरील भ्रष्टाचाराच्या आरोपांबाबत मोठी बातमी समोर आली आहे. या प्रकरणात मुंडे यांना अधिकृतपणे ‘क्लीन चिट’ देण्यात आली आहे. आर्थिक गुन्हे शाखा (ईओडब्ल्यू) यांनी या प्रकरणाची सखोल चौकशी केली असता, मुंडे यांच्याविरोधात कोणताही गैरव्यवहार अथवा आक्षेपार्ह बाब आढळून आलेली नसल्याचे समोर आले आहे.
ही माहिती राज्याचे उद्योगमंत्री उदय सामंत यांनी विधानसभेत अधिकृतपणे जाहीर केली. ईओडब्ल्यूच्या तपासात आरोपांना कोणतेही तथ्य नसल्याचे निष्पन्न झाल्याने तुकाराम मुंडे यांची या प्रकरणातून पूर्णतः मुक्तता झाली आहे.
या निर्णयामुळे मुंडे यांना मोठा दिलासा मिळाला असून, त्यांच्यावरील आरोप निराधार असल्याचे स्पष्ट झाले आहे.
