हनुमंत चिकणे
उरुळी कांचन : लोणी भापकर (ता. बारामती) येथील ग्राम स्वच्छता अभियान ग्रुपच्या कामाची दखल घेऊन सेवानिवृत्त क्राईम ब्रँच पुणेचे सहाय्यक पोलीस आयुक्त भानुप्रताप बर्गे व सेवानिवृत्त वरीष्ठ पोलीस निरीक्षक हेमंत बावधनकर यांच्या हस्ते एक जीव सेवा संघ, बारामती सायकल कल्ब, सह्याद्री सोशल फाउंडेशन, सहास अडव्हेंचर बारामती यांच्या वतीने सन्मान चिन्ह देऊन ग्रुपचा गौरव करण्यात आला आहे.
लोणी भापकर व पंचक्रोशीतील परिसर दर रविवारी दोन तास स्वच्छ करण्याचा निर्णय २ जानेवारी २०२२ रोजी ” स्वच्छता अभियान ग्रुप लोणी भापकर” यांनी केला होता. सामाजिक उत्तरदायित्व याचे भान ठेवून समाजासाठी काहीतरी करायचे हा हेतु समोर ठेवुन आपले गावांमध्ये स्वच्छता अभियान राबवण्याची योजना त्यांचे समविचारी सहकारी यांच्यासमोर मांडली असता सर्वांनी त्यास संमती दिली.
याच माध्यमातून लोणी भापकर, पळशी, मासाळवाडी, सायंबाची वाडी या पंचक्रोशीतील परिसरामधील मुख्य मंदिरे, जिल्हा परिषद प्राथमिक शाळा, हायस्कूल, मुख्य रस्ते, स्मशानभूमी, या ठिकाणची सार्वजनिक साफसफाई करून गावापुढे एक वेगळा आदर्श निर्माण केला आहे. त्यांच्या कार्याचे आजूबाजूच्या गावातील मंडळींही कौतुक करत आहेत.
आपले गाव ही आपलीच जबाबदारी आहे ही संकल्पना राबविण्याचे त्यांनी पक्के केले. आणि तरुणांना याची माहिती देण्यासाठी समाज माध्यमावर एक ग्रुप तयार करण्यात आला. त्यातून तरुणांना गावात स्वच्छता अभियान राबविण्याची माहिती दिली गेली.
स्वच्छता अभियान ग्रुपमध्ये रिटायर आर्मीचे जवान, पोलीस, शिक्षक, महसुल विभाग, इंजिनियर्स, महाराष्ट्र विद्युत बोर्ड, कंपनी, प्रगतशील व्यावसायिक, पंचायत समिती सदस्य, प्रगतशील शेतकरी, इतर क्षेत्रातील प्रतिष्ठित नागरिक तसेच शिक्षण घेणारी मुले, यांनी सहभाग घेतला आहे. ग्रुपची स्थापन झाली त्यावेळी त्यामध्ये फक्त १५ सदस्य होते. ग्रुपचे कार्य पाहून ग्रुप व्याप्ती वाढत जाऊन आज ग्रुपमध्ये ७० सभासदकाम करीत आहेत.
दरम्यान हि संकल्पना लोणी भापकरचे रहिवासी व सध्या भिगवण पोलीस स्टेशनला कार्यरत असणारे पोलीस नाईक सचिन पवार यांना सुचली. त्यांनी हा प्रस्ताव सर्वांसमोर मांडला असता सामाजिक उत्तरदायित्त्वाचे भान ठेवून सर्वांनी होकार दिला. व लोणी भापकर गाव व आजुबाजूच्या परीसरात स्वच्छता अभियान राबविण्यास सहमती दर्शवली. गावातील तरूणांनी एकत्र येऊन २ जानेवारी २०२२ रोजी सर्वानुमते या ग्रुपची स्थापना करून प्रत्यक्ष कामास सुरवात करण्यात आली. आतापर्यंत प्रत्येक रविवारी हे काम ग्रुप मधील सर्वजन करीत आहेत.
११ महिन्यात ग्रुपने केलेली कामे..!
लोणी भापकर व परिसरात वृक्षारोपण, स्वच्छता अभियान ग्रुप तर्फे जिल्हा परिषद प्राथमिक शाळा लोणी भापकर येथे लहान मुलांच्या ग्राउंड वर मुरूम टाकून मुलांना खेळण्यासाठी ग्राउंड तयार केले. स्थापना झाल्यापासून ४७ आठवडे दर रविवारी न चुकता दोन तास श्रमदान केले जाते.
इयत्ता दहावी व बारावी मध्ये उज्वल यश संपादन केलेल्या विद्यार्थी यांचा सत्कार घेऊन त्यांना शिक्षणासाठी मदतचे साहित्य वाटप केले जाते. तसेचपुढील काळामध्ये शिक्षणासाठी मदत करण्याची ग्वाही देण्यात आलेली आहे.
रायगड व राजगड या किल्ल्यावर जाऊन स्वच्छता अभियान यशस्वीरित्या पार पाडले आहे. कोविड-१९ च्या काळात २०२० मध्ये संपूर्ण गावांमध्ये प्रत्येक कुटुंबाच्या दारोदारी भाजीपाला किट वाटप करण्यात आले होते. लोणी भापकर मधील एक लहान मुलास वैद्यकीय खर्चासाठी सर्वांनी मिळून मदत केलेली आहे.
ग्रुपमध्ये सहभागी असलेले सदस्य
सचिन पवार, विजयकुमार गोलांडे, विजय पाटोळे, सचिन कांबळे, रवींद्र भापकर, सचिन भापकर, संदीप भापकर, दीपक गायकवाड, अविनाश गायकवाड, भानुदास भापकर, जयदीप भापकर, योगेश भापकर, विजय भापकर, गणेश भापकर, किरण भापकर, संकेत भापकर, मनोज वाघ, नंदकुमार मदने, गणेश भापकर, सचिन उर्फ पिंटू तात्या भापकर, प्रकाश भापकर, प्रवीण भापकर, राहुल भैया भापकर, राजू खलाटे, राजू मदने, अमोल मदने, ऋषिकेश भापकर, ऋतिक भापकर, अमर भापकर, संदीप गावडे, शरद भापकर, सुनील मोरे, हरिश्चंद्र दीक्षित, अभिजीत भापकर व लहान मुले असे एकूण ७० सभासद आहेत.
