Breaking Railway News : पुणे-मुंबई रेल्वे मार्गात घाटात जोरदार पाऊस बरसत असल्याने बुधवारी (ता. १९) व गुरुवारी (ता. २०) रोजी पुण्याहून मुंबईकडे सुटणाऱ्या पाच रेल्वे गाड्या रद्द करण्यात आल्या आहेत. रेल्वे विभागानं याबाबत माहिती दिली आहे.(Breaking Railway News)
पुणे-मुंबई रेल्वे मार्गात घाटात जोरदार पाऊस.
मुंबईत सध्या मुसळधार पावसानं थैमान घातलं आहे. रेल्वे रुळांवर पाणी साचल्यानं अनेक लोकल गाड्याहि रद्द करण्यात आल्या आहेत. सिंहगड एक्स्प्रेस, डेक्कन क्वीन, इंटरसीटी एक्सप्रेस, डेक्कन एक्स्प्रेस तसेच इंद्रायणी एक्सप्रेस या सर्व गाड्या बुधवारी आणि गुरुवारी रद्द करण्यात आल्या आहेत. यामुळं पुण्याहून मुंबईसाठी प्रवास करणाऱ्या चाकरमान्यांसह इतर प्रवाशांना गैरसोयीला सामोरं जावं लागणार आहे.
