Bhigwan News : भिगवण, ता. 02 : पुणे-सोलापूर राष्ट्रीय महामार्गावर डाळज नंबर ३ (ता. इंदापूर) च्या हद्दीत एका अज्ञात भरधाव वाहनाने मोटारसायकलला पाठीमागून दिलेल्या जोरदार धडकेत 28 वर्षीय तरुणाचा मृत्यू झाला आहे. तर या अपघातात त्याची पत्नी गंभीर जखमी झाली असून, त्यांच्यावर उपचार सुरू आहेत. Bhigwan News
गोविंद बळीराम कांबळे (वय -28, रा. कव्हे, ता. माढा, जि. सोलापूर) असे या अपघातात मृत्यू झालेल्या तरुणाचे नाव आहे. तर पल्लवी गोविंद कांबळे असे जखमी झालेल्या विवाहितेचे नाव आहे. याप्रकरणी सुरज अनिल कांबळे (वय-24, व्यवसाय सेंट्रीग मजुरी रा. कव्हे ता. माढा जि. सोलापुर) यांनी भिगवण पोलीस ठाण्यात फिर्याद दिली आहे. Bhigwan News
पोलिसांनी दिलेल्या माहितीनुसार, कांबळे कुटुंबीय उरुळी कांचन (ता. हवेली) येथे एका नातेवाईकाच्या कार्यक्रमासाठी आले होते. 29 एप्रिल रोजी सायंकाळी पाच वाजण्याच्या सुमारास गोविंद कांबळे आणि त्यांची पत्नी पल्लवी कांबळे हे आपल्या दुचाकीवरून माढा तालुक्यातील कव्हे या ठिकाणी आपल्या गावी परतण्यासाठी निघाले होते. Bhigwan News
सायंकाळी सव्वा सात वाजण्याच्या सुमारास डाळज नंबर ३ गावच्या हद्दीत ‘देवा फूड’च्या विरुद्ध बाजूला आले असताना त्यांची मोटारसायकलला पाठीमागून येणाऱ्या एका अज्ञात वाहनाने जोरदार धडक दिली. या धडकेत गोविंद यांच्या कपाळाला, डोळ्याला आणि छातीला गंभीर मार लागला, तर पत्नी पल्लवी यांच्या हाताला गंभीर दुखापत झाली. Bhigwan News
अपघातानंतर जखमी गोविंद यांना तातडीने भिगवण येथीलएका खासगी हॉस्पिटलमध्ये दाखल करण्यात आले होते. मात्र, उपचार सुरू असतानाच मध्यरात्री डॉक्टरांनी त्यांना मयत घोषित केले. याप्रकरणी भिगवण ग्रामीण रुग्णालय आणि ट्रामा केअर सेंटरकडून एमएलसी (MLC) क्र. ७२/२६ नुसार पोलिसांना माहिती देण्यात आली आहे. Bhigwan News
मयत गोविंद यांचा चुलत भाऊ सुरज अनिल कांबळे यांनी भिगवण पोलीस स्टेशनमध्ये दिलेल्या जबाबानुसार अज्ञात वाहन चालकावर गुन्हा दाखल करण्यात आला आहे. तपास पोलीस हवालदार समीर झांबरे करीत आहेत. Bhigwan News
