Beed Crime News : बीड : शाळेला आपण ज्ञानाचे मंदिर समोजतो. देवाच्या मंदिरांप्रमाणाचे शाळादेखील पवित्र स्थान मानले जाते. कारण, शाळांमध्ये विद्येचे ज्ञान दिले जाते. अशा ज्ञानदानाच्या मंदिरात धक्कादायक प्रकार घडला आहे. बीडमधील नामांकित शाळेच्या आवारातच शिक्षकांचे महिला शिक्षकांसह अश्लिल चाळे सुरु होते. या प्रकाराचा व्हिडिओ व्हायरल झाल्यानंतर या प्रकरणी बीड शरह पोलिस ठाण्यात गुन्हा दाखल झाला आहे.
शाळेतील सहशिक्षकाने महिलांसोबत असभ्य वर्तणूक केल्याची बाबसमोर आली होती. शाळेतील शिपायाने ही बाब मुख्याध्यापकांच्या कानावर घातली. ही सर्व माहिती मिळाल्यानंतर संबधित शिक्षकाला 22 नोव्हेंबर रोजी निलंबित देखील करण्यात आले होते. मात्र, या नामांकित शाळेतील व्हिडिओ प्रकरण बीड जिल्ह्यामध्ये चर्चेचा विषय बनला होता. व्हिडिओ व्हायरल झाल्यानंतर मुख्यध्यापकांनी पोलिस ठाण्यात तक्रार दाखल केली आहे.
या शाळेतील मुख्याध्यापकाने केलेल्या तक्रारीनुसार पोलिसांनी गुन्हा दाखल करून घेत अधिक तपास सुरू केलेला आहे. या तक्रारीत मुख्याध्यापकाने स्पष्टपणे सांगितलेला आहे की शाळेतील शिक्षकाने आपल्या शाळेतील महिला शिक्षकांसोबत असभ्य वर्तणूक करत असलेले शाळेच्या परिसरातले काही व्हिडिओ समोर आल्यानंतर संबंधित तीन महिला शिक्षकांवर देखील निलंबनाची कारवाई करण्यात आलेली आहे.
