पुणे : ज्येष्ठ समाजसेवक अण्णा हजारे यांची प्रकृती अस्वास्थ्यामुळे ढासळली असून त्यांना मुंबईतील बॉम्बे हॉस्पिटलमध्ये उपचारासाठी दाखल करण्यात आले आहे. सध्या तज्ज्ञ डॉक्टरांच्या देखरेखीत त्यांच्यावर आवश्यक ते वैद्यकीय उपचार सुरू आहेत.
गेल्या काही दिवसांपासून अण्णांना त्रास होत होता. त्यांना तीव्र व्हायरस संसर्ग, शरीरातील पाण्याची कमतरता आणि मूत्रपिंडाशी संबंधित समस्या जाणवत आहेत. तसेच त्यांच्या रक्तातील क्रिएटीनिनची पातळी वाढल्याचे समोर आले.शुरुवातीला त्यांच्यावर राळेगणसिद्धी येथील स्थानिक वैद्यकीय केंद्रात उपचार सुरू होते. मात्र, प्रकृतीतील बिघाड लक्षात घेता डॉक्टरांच्या सल्ल्याने त्यांना तातडीने कार्डियाक ॲम्बुलन्सद्वारे मुंबईत हलवण्याचा निर्णय घेण्यात आला.
बॉम्बे हॉस्पिटलमध्ये डॉ. गौतम भंसाली आणि त्यांचे वैद्यकीय पथक अण्णांच्या आरोग्यावर लक्ष ठेवून आहेत.अण्णा हजारे यांच्या विविध आरोग्य चाचण्या सध्या पूर्ण केल्या जात आहेत.चाचण्यांचे सर्व अहवाल आल्यानंतर पुढील वैद्यकीय उपचाराची दिशा स्पष्ट होईल.
डॉक्टरांनी दिलेल्या माहितीनुसार, सध्या त्यांची प्रकृती स्थिर आहे.
अण्णा हजारे यांच्या प्रकृती खालावल्याची बातमी समोर आल्यानंतर महाराष्ट्रभरातून आणि राजकीय क्षेत्रातून तीव्र चिंता व्यक्त केली जात आहे. नागरिक आणि त्यांचे समर्थक अण्णांच्या प्रकृतीत लवकरात लवकर सुधारणा व्हावी यासाठी प्रार्थना करत आहेत.
