Anil Kalelkar Passes Away : मुंबई: मराठी आणि हिंदी चित्रपटसृष्टीतील ज्येष्ठ अभिनेता अनिल मधुसूदन कालेलकर यांचे निधन झाल्याची दुखद बातमी समोर आली आहे. वयाच्या 78 व्या वर्षी त्यांनी अखेरचा श्वास घेतला. 11 डिसेंबर 2025 रोजी सकाळी मुंबईतील लीलावती रुग्णालयात अल्पश आजाराने त्यांचा दुःखद अंत झाला. (Anil Kalelkar Passes Away)
अनिल कालेलकर यांनी अनेक मराठी, हिंदी चित्रपटात काम केले होते. फक्त अभिनेता म्हणून नाही तर अनेक चित्रपटाचे आणि मालिकांचे लेखन सुध्दा केले होते. 7 फेब्रुवारी 1947 रोजी बांद्रा येथे जन्मलेल्या अनिल कालेलकर यांनी प्राथमिक शिक्षण छबीलदास हायस्कूल, दादर येथे तर उच्च शिक्षण नॅशनल कॉलेज, बांद्रा येथे पूर्ण केले. आयुष्यभर अविवाहित राहिलेले कालेलकर हे त्यांच्या भाची गौरी कालेलकर चौधरीसोबत ‘मधुसूदन कालेलकर प्रोडक्शन’ या बॅनरचे संचालन करत होते.
वर्षानुवर्षे ते बांद्रा येथील साहित्य सहवालमध्ये वास्तव्यास होते. त्यांच्या निधनाने मराठी मनोरंजनसृष्टीत तसेच चाहत्यांमध्ये शोककळा पसरली आहे. सोशल मीडियावर अनेक कलाकारांनी त्यांना श्रध्दांजली वाहली जात आहे. अनेक चित्रपटात त्यांनी अभिनयाची देखील जादू कायम ठेवली होती.
आपल्या कारकिर्दीत त्यांनी 300 पेक्षा जास्त विविध विषयांवर प्रभावी लेखन केले असून, प्रत्येक विषयात त्यांनी ठोस मांडणी केली आहे.
