पुणे : राज्यामध्ये सध्या दिशा सालियन प्रकरण चांगलं चर्चेत आलं आहे. दिशा सालियनच्या मृत्यूप्रकरणात तिच्या वडिलांनी मुंबई उच्च न्यायालयात याचिका दाखल केली आहे. त्यांनी दाखल केलेल्या याचिकेत युवासेना प्रमुखआदित्य ठाकरे यांचा हत्या प्रकरणाशी संबंध असल्याचा संशय व्यक्त करण्यात आला आहे. त्यामुळे आदित्य ठाकरे यांच्या अडचणी वाढणार असल्याची शक्यता वर्तवली जात आहे.

दिशा सालीयन प्रकरण हे पुन्हा एकदा चार वर्षानंतर चांगले चर्चेत आले आहे. यामध्ये तिच्यावर बलात्कार केल्याचा आरोप तिच्या वडिलांकडून करण्यात आला आहे. या प्रकरणांमध्ये शिवसेना ठाकरे गटाचे नेते आदित्य ठाकरे यांच्या अडचणीमध्ये वाढ होताना दिसून येत आहे. या प्रकरणी सुरवातीपासून आक्रमक भूमिका घेणारे भाजप नेते आणि मंत्री नितेश राणे यांनी देखील आदित्य ठाकरे यांच्यावर आरोप केले आहेत. या प्रकरणांमध्ये नाव येणाऱ्या आदित्य ठाकरे यांना अटक करण्यात यावी अशी मागणी देखील सत्ताधारी नेत्यांनी केली आहे. दरम्यान दुसरीकडे याबाबत शिंदे गटाचे नेते संजय गायकवाड आणि अजित पवार गटाचे नेते अमोल मिटकरी यांनी या आरोपांमध्ये तथ्य नसल्याचे सांगितले आहे.
भाजप नेते आणि मंत्री नितेश राणे यांनी दिशाच्या वडीलांनी जे आरोप केले आहेत, त्यानुसार कारवाई झाली पाहिजे, हीच आमची मागणी आहे. सरकारने या सगळ्याची दखल घ्यावी असं आमचं म्हणण आहे असही म्हटलं आहे. मात्र आदित्य ठाकरे याप्रकरणी दबाव आणू शकतात त्यामुळे नैतिकता म्हणून त्यांनी आमदार राहू नये.. आपण त्यादिवशी कुठे होतो, आपलं मोबाईल लोकेशन काय होतं या सगळ्यांची उत्तरं त्यांनी द्यावी असं चॅलेंज आदित्य ठाकरे यांना नितेश राणे यांनी केल आहे. त्यामुळे आदित्य ठाकरे हे चांगलेच अडचणीत आले आहेत.








