Navale Bridge Accident: नवले पुलावर झालेला अपघात (Navle Bridge Accident) हा सर्वांनाच हादरून टाकणारा होता. अनियंत्रत ट्रकच्या धडकेत आठ जणांनी आपले प्राण गमावले. याच दरम्यान एका दहावीतल्या मुलीने वाढदिवसाच्या दिवशी आपल्या कुटुंबातील जवळच्या व्यक्तींना गमावले असल्याची माहिती समोर येत आहे. (Latest Navale Bride Accident )
नुकत्याच समोर आलेल्या माहितीनुसार, नवले ब्रीजवर गुरुवारी (ता. 13) सांयकाळी भीषण अपघात झाला. या अपघातात दहावीत शिकणाऱ्या मुलीच्या आई, आजी-आजोबा आणि एका कुटुंबातील मित्राच्या पाच वर्षाच्या मुलीने जीव गमावला. या दुर्दैवी घटनेमुळे संपुर्ण पुणे शहर सुन्न झाले आहे.
स्वाती संतोष नवलकर, (वय 37) तिची आई शांता ( वय 56), दत्तात्रय दाभाडे आणि तिच्या शेजारची मुलगी, मोक्षिता हेमंतकुमार रेड्डी, नारायणपूर दत्त मंदिरातून परत येत असताना सातारा येथून एका कंटेनर ट्रकने त्यांच्या कारला धडक दिली. दत्तात्रय दाभाडे अर्धांगवायूतून बरे व्हावे यासाठी हे कुटुंब मंदिरात गेले होते.
या अपघातामुळे सुरक्षिततेच्या उपाययोजनांबाबत पुन्हा प्रश्न उपस्थित झाले असून पोलीस तपास सुरू आहे. या अपघातात एका मराठी अभिनेत्याने देखील जीव गमावला आहे. दुखद म्हणजे अभिनेता धनंजय कोळी तीन महिन्यापूर्वींच बाप झाला होता.
