फक्त झोपा आणि लाखो रुपये मिळवा, हे ऐकून तुम्हाला आश्चर्य वाटेल पण हे खरे आहे. देशातील सुप्रसिद्ध फर्निचर व गाद्या बनवणाऱ्या वेकफिट कंपनीने “स्लीप इंटर्नशिप” चा पाचवा सीझन जाहीर केला आहे. या अनोख्या इंटर्नशिपमध्ये निवड झालेल्या लोकांना दररोज 9 तास झोपावे लागणार असून, त्याबदल्यात 10 लाख रुपयांपर्यंत मानधन मिळू शकते. या उपक्रमाचा उद्देश म्हणजे लोकांना झोपेचे महत्त्व पटवून देणे.
दररोज 9 तास झोपायची “नोकरी”
वेकफिटने जाहीर केलेल्या या इंटर्नशिपमध्ये उमेदवारांना कंपनीच्या नवीन गाद्यांवर दररोज 9 तास झोपण्याचे काम दिले जाईल. एवढेच नाही, तर झोपल्यानंतर उमेदवारांना आपला अनुभव कंपनीला सांगावा लागेल. म्हणजेच कंपनीला त्यांच्या उत्पादनाचा थेट अभिप्राय मिळेल आणि झोपणाऱ्यांनाही मोबदला मिळणार आहे.
किती मिळतील पैसे?
कंपनीच्या निवडक इंटर्नना कामगिरीनुसार 10 लाख रुपयांपर्यंत पैसे दिले जातील. वेकफिटने याआधी चार सत्रे यशस्वीरीत्या पार पाडली असून, त्यामध्ये अनेकांनी झोपूनच लाखोंची कमाई केली आहे. कंपनीच्या मते, ही एक मजेशीर संधी असून त्याचबरोबर लोकांना सुदृढ झोपेचे महत्त्व समजावून देण्याचा प्रयत्न आहे.
अर्ज कसा कराल?
-या अनोख्या “झोपेच्या नोकरीसाठी” अर्ज करण्याची प्रक्रिया ऑनलाइन सुरू झाली आहे.
-इंटरनेटवर Wakfit Sleep Internship शोधावे.
-अधिकृत लिंकवर क्लिक करून Apply Now वर जावे.
-तिथे उघडलेल्या फॉर्ममध्ये आपली माहिती भरून सबमिट करावी.
-फॉर्ममध्ये कंपनी उमेदवारांना विचारणार आहे की त्यांनी तुम्हालाच का निवडावे. म्हणजेच, तुम्ही सर्वोत्तम “स्लीपर” का आहात हे सांगावे लागेल.
-योग्य उत्तर दिल्यास आणि कंपनीच्या दृष्टीकोनाशी तुमचे विचार जुळल्यास निवड होण्याची शक्यता अधिक आहे.
