पुणे : चांगली नोकरी मिळावी यासाठी अनेकांचा प्रयत्न असतो. त्यानुसार, प्रयत्नही केले जातात. आता तुमचं नोकरीचे स्वप्न पूर्ण होण्याची शक्यता आहे. कारण, राष्ट्रीय अजैविक स्ट्रेस प्रबंधन संस्था, पुणे या ठिकाणी रिक्त पदावर भरती केली जाणार आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत थेट मुलाखतीच्या माध्यमातून संबंधित उमेदवाराची निवड केली जाणार आहे.
राष्ट्रीय अजैविक स्ट्रेस प्रबंधन संस्था, पुणे येथे यंग प्रोफेशनल-I या पदावर भरती केली जात आहे. यामध्ये निवड झालेल्या उमेदवाराला 30,000 हजार रुपयांपर्यंत पगारही मिळू शकणार आहे. पण यासाठी संबंधित शिक्षणही असणे गरजेचे आहे. ही पात्रता असणाऱ्या उमेदवारालाच अर्ज करता येणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे. या प्रकियेंतर्गत एकूण एक रिक्त पद भरले जाणार आहे.
या भरती प्रक्रियेबाबत अधिक माहितीसाठी http://www.niam.res.in/ या अधिकृत वेबसाईटवरून माहिती घेता येणार आहे. यामध्ये निवड झालेल्या उमेदवाराला पुणे येथे जाऊन नोकरी करावी लागणार आहे. यासाठी 8 नोव्हेंबर 2024 रोजी मुलाखत घेतली जाणार असून, ही मुलाखत ICAR-नॅशनल इन्स्टिट्यूट ऑफ एबायोटिक स्ट्रेस मॅनेजमेंट, मालेगाव बारामती जि. पुणे पिन-413115 येथे होणार आहे.
