पुणे प्राईम न्यूज डेस्क: आपल्या शरीरातील सर्वच अवयव एकमेकांवर अवलंबून असतात. त्यांचे कार्यही वेगवेगळे असू शकते. त्यात तुमचे डोळे हे तुमच्या शरीरातील दिशादर्शक ठरतात. त्यामुळे त्यांची काळजी घेणे गरजेचे बनते. काहीवेळी डोळ्यातून नकळत पाणी येतं. तुमच्याही डोळ्यातून न रडता पाणी येतं असेल तर काही टिप्स फॉलो केल्यास नक्कीच फायद्याचे ठरू शकते.
डोळ्यातून अनावश्यक पाणी टाळण्यासाठी डोळे मिचकावण्याचा व्यायाम रोज केला पाहिजे. ब्लिंकिंग नियमितपणे एका मिनिटात 15 ते 20 वेळा केले पाहिजे. यासोबत 20-20-20 हा नियम पाळावा. यामध्ये स्क्रीन पाहिल्यानंतर प्रत्येक 20 मिनिटांनी 20 फूट अंतरावर असलेल्या एखाद्या वस्तूकडे 20 सेकंदांसाठी पाहावे. डोळ्यांच्या आरोग्याकडे लक्ष न दिल्याने दृष्टी कमकुवत होऊ शकते. याशिवाय अनेक समस्या वाढू शकतात. न रडता तुमच्या डोळ्यांत पाणी येत राहिल्यास, डोळ्यांत जळजळ, लालसरपणा, रात्री दिसण्यात अडचण, दृष्टी कमी पडणे किंवा डोळे थकले असतील तर तुम्हाला कोरड्या डोळ्यांचा त्रास होण्याची दाट शक्यता आहे.
डोळ्यांसाठी फक्त एक जीवनसत्व आवश्यक असते असं नाहीतर व्हिटॅमिन ए आणि व्हिटॅमिन ई देखील गरजेचे असते. गाजर, पालक, पपई आणि बदाम आवश्यक असतात. स्वतःला नियमितपणे हायड्रेट करा. दररोज किमान 8 ते 10 ग्लास पाणी प्या. यासोबतच कॅफिन आणि अल्कोहोलचे सेवन कमी प्रमाणात करा.
