Health News : मुंबई : आरोग्याची काळजी घेताना लहान मुलांकडे विशेष लक्ष देण्याची गरज असते. त्यात महत्त्वाची गोष्ट म्हणजे लहान मुलांचे दात. मुलांना दुधाचे दात असतानाच काळजी घेण्याची गरज असते. दातांची योग्य काळजी घेतल्यास पुढील धोका टाळता येऊ शकतो. लहान मुलांना साधारण 6 ते 10 महिन्यांच्या अंतराने दुधाचे दात येण्यास सुरुवात होते. काही मुलांचे दात तीन महिन्यांतही येण्यास सुरु होतात. हे दात आल्यानंतर त्याकडे लक्ष देण्याची गरज आहे. (Health News)
दिवसातून दोनदा ही पद्धत वापरा…
लहान मुलांचा पहिला दात आल्यानंतर त्याची काळजी घ्यावी. बाळाला तीन महिने पूर्ण झाल्यानंतर एक सुती कपडा घेऊन तो थोडा ओला करावा. बाळाच्या हिरड्या हलक्या हाताने स्वच्छ करा. दिवसातून दोनदा ही पद्धत वापरा. बाळाला पहिला दात आल्यानंतर एक सॉफ्ट टुथब्रशही वापरू शकता. बाळ 18 महिन्यांचे होईपर्यंत टुथब्रशला फक्त पाणी लावूनच दात साफ करा. तुमच्या हाताने बाळाची हनुवटी धरा आणि डोक्याला आपल्या शरीरावर आधार द्या. आता त्याचे ओठ उघडा आणि ब्रशला गोलाकार स्थितीत फिरवून दात हळूवारपणे स्वच्छ करा. (Health News)
दात स्वच्छ केल्यानंतरही दातांना किड लागू शकते. त्यामुळे बाळाला योग्य आहार देणेही महत्त्वाचे आहे. 0 ते 6 महिन्यांपर्यंतच्या मुलाला फक्त आईचे दूध द्यावे. त्यानंतर बाळाला पाणी व द्रव्य स्वरुपातील आहार देऊ शकता, अशा काही गोष्टी केल्यास याचा फायदा नक्कीच होण्याची शक्यता असते. (Health News)
