Tv News : मुंबई : ‘बिग बी’ अमिताभ बच्चन यांचा वाढदिवस ते सोबत असोत, नसोत परंतु ज्या निर्मितीशी त्यांचा संबंध आहे तिथे मात्र त्यांचा वाढदिवस जोरदार साजरा केला जातो. ११ ऑक्टोबर हा त्यांचा वाढदिवस आहे. ते घरात साजरा करतातच परंतु त्यांच्या बंगल्याबाहेर असंख्य जमणाऱ्या चाहत्यांच्याही शुभेच्छा स्वीकारत असतात.
‘बिग बीं’चा वाढदिवस अविस्मरणीय
‘कौन बनेगा करोडपती’ हा सध्या प्रश्न-उत्तराचा कार्यक्रम ‘सोनी एंटरटेनमेंट’ या वाहिनीवर प्रसारित केला जातो. त्याचे ते सूत्रसंचालन करत असतात. गेली अनेक वर्ष ते या कार्यक्रमाचे सूत्रसंचालन करत असल्यामुळे हमखास वाढदिवस हा सेटवरच होत असतो. त्यांनी याच शो मध्ये आपली ‘दिल की बात’ व्यक्त केली, ती म्हणजे ‘कौन बनेगा करोडपती’च्या सेटवर होणारा वाढदिवस हा संस्मरणीय आणि खास असल्याचे त्यांनी म्हटले आहे.
‘बिग बीं’चा वाढदिवस अविस्मरणीय असणार आहे. सुरुवातीला सरोद वादक, पद्म विभूषण उस्ताद अमजद अली खान गाण्यांची एक मेडली सादर करून वातावरण आल्हाददायक करत आहेत. त्यानंतर सुपरस्टार चिरंजीवी, अनुपम खेर, विद्या बालन, विकी कौशल आणि बोमन इराणीसारखी बॉलीवूडमधली अनेक मान्यवर मंडळी व्हिडिओ संदेशाच्या माध्यमातून बच्चन यांना वाढदिवसाच्या शुभेच्छा देत आहेत.
