उस्मानाबाद : गौतमी पाटीलने आपल्या ‘डान्स’ने अख्ख्या महाराष्ट्रात धुमाकूळ घातला आहे. गौतमी पाटीलची अदाकारीने तिला रात्रीतून सोशल मीडियावर स्टार बबनविले. लावणी सादर करताना ती करत असलेल्या अदाकारीला अश्लील म्हणून तिच्यावर टीका देखील मोठ्या प्रमाणात करण्यात आली होती. दरम्यान एका कार्यक्रमाच्या निमित्ताने पुन्हा एकदा गौतमी चर्चेत आली आहे.
तुळजापूर तालुक्यातील देव वडगाव येथे खंडोबा यात्रेच्या निमित्ताने एका कार्यक्रमाचे आयोजन करण्यात आले होते. यावेळी गौतमी पाटील हिचा डान्सचा कार्यक्रम देखील ठेवण्यात आला होता.
यावेळी तिच्या चाहत्यांनी प्रचंड प्रमाणात गर्दी केली. त्यामुळे आयोजकांचे नियोजन देखील कोलमडले. यावेळी तिच्या चाहत्यांनी तिचा डान्स पाहण्यासाठी झाडावर देखील चढले. याचा एका व्हिडीओ सध्या चांगलाच धुमाकूळ घालत आहे.
कार्यक्रम संपल्यानंतर देखील तरुणाई प्रचंड संख्येने तिची एक झलक पाहण्यासाठी थांबीन होती. वारंवार सूचना करून देखील प्रेक्षक कार्यक्रम स्थळावरून हटत नव्हते. त्यानंतर पोलिसांना पाचारण करावे लागले. शेवटी पोलिसांच्या गाडीतून गौतमी पाटीलला कार्यक्रम स्थळावरून बाहेर काढण्यात आले.
