Randeep Hooda Wedding : पुणे : बॉलिवूड अभिनेता रणदीप हुड्डा गर्लफ्रेंड लिन लैशरामसोबत लग्नबंधनात अडकला आहे. मणिपूरमध्ये काल त्यांचा लग्नसोहळा पार पडला आहे. त्यांचे लग्नसोहळ्याचे फोटो आणि व्हिडीओ सोशल मीडियावर व्हायरल होत आहेत. मणिपूरमध्ये पारंपारिक पद्धतीत ते लग्नबंधनात अडकले आहेत.
मणिपूर स्टाईल पारंपरिक पद्धतीने लग्न
रणदीप-लिनच्या लग्नसोहळ्याचे फोटो सध्या सोशल मीडियावर व्हायरल होत आहेत. काही फोटो रणदीप हुड्डा याने त्याच्या सोशल अकाऊंटवर शेअर केले आहेत. मणिपूर स्टाईल पारंपरिक पद्धतीने लग्न पारपडल्याने, लग्नात रणदीपने पांढऱ्या रंगाची धोती आणि कुर्ता परिधान केला होता. तर लिन मणिपूर स्टाईल आऊटफिटमध्ये दिसून आली.
मुंबईत होणार रिसेप्शन
रणदीप-लिनच्या लग्नसोहळ्याला बॉलिवूडकर उपस्थित नव्हते. मणिपूरमध्ये कुटुंबिय आणि मित्र-मंडळींच्या उपस्थित त्यांचा लग्नसोहळा पार पडला. आता मुंबईत त्यांच्या ग्रँड रिसेप्शनचं आयोजन करण्यात येणार आहे. या रिसेप्शनला अनेक सेलिब्रिटी हजेरी लावतील.
इनस्टाग्राम पोस्ट
“फॉर्म टूडे..व्ही आर वन”असं कॅप्शन गेत रणदीप हुड्डाने लग्नसोहळ्यातील फोटो सोशल मीडियावर शेअर केले आहेत. त्याच्या या पोस्टवर चाहत्यांनी अभिनंदनाचा वर्षाव केला आहे. अनेक सेलिब्रिटींनीदेखील कमेंट्स केल्या आहेत. रणदीप आणि लिनच्या लग्नसोहळ्यातील फोटोंनी सर्वांचं लक्ष वेधून घेतलं आहे.
रणदीप-लिनची लव्हस्टोरी
रणदीप हुड्डा लिनसोबतच्या नात्याची सुरूवात कशी झाली हे सांगितलं आहे. आम्ही एकमेकांचे चांगले मित्र होतो. पुढे या मैत्रीचं रुपांतर प्रेमात झालं. नसीरुद्दीन शाह यांच्या ‘मोटली’ या नाटकाच्या ग्रुपमध्ये त्यांची पहिली भेट झाली होती. मी तिचा सीनियर होतो. अनेक दिवस एकमेकांना डेट केल्यानंतर आम्ही संसार थाटण्याचा निर्णय घेतला”, असे रणदीपने सांगितले.
