नवी दिल्ली: मंगळवार १७ ऑक्टोबर रोजी राष्ट्रीय चित्रपट पुरस्कार प्रदान करण्यात आले. गेल्या महिन्यात पुरस्कार विजेत्यांची घोषणा करण्यात आली होती. आज विज्ञान भवन येथे राष्ट्रपती द्रौपदी मुर्मूंच्या हस्ते हे पुरस्कार प्रदान करण्यात आले. यावेळी बॉलिवूड, साऊथ इंडियन फिल्म इंडस्ट्रीमधून अनेक दिग्गज सहभागी झाले होते. सर्वोत्कृष्ट अभिनेता अल्लू अर्जुन, सर्वोत्कृष्ट अभिनेत्री आलिया भट आणि क्रिती सेनन यांना पुरस्कार प्रदान करण्यात आला.
अभिनेत्री आलिया भटला ‘गंगुबाई काठियावाडी’ या चित्रपटासाठी राष्ट्रपतींच्या हस्ते पुरस्कार प्रदान करण्यात आला. यावेळी तिचा पती रणबीर कपूर देखील तिच्यासोबत उपस्थित होता. दुसरीकडे क्रिती सेननलाही ‘मिमी’ या सिनेमासाठी सर्वोत्कृष्ट अभिनेत्रीचा राष्ट्रीय पुरस्कार मिळाला.
