Flim News पुणे : केदार शिंदे दिग्दर्शित ‘बाईपण भारी देवा’ हा मराठी सिनेमा बॉक्स ऑफिसवर चांगलाच हिट होत आहे. हिंदी सिनेमाला टक्कर देत ‘बाईपण भारी देवा’ने आत्तापर्यंत 25 कोटी रुपयांपेक्षा जास्त कमाई केली आहे. (Flim News) वेगवेगळ्या वयोगटातील स्त्रिया आणि त्यांची वेगळी कथा सिनेमा मांडण्यात आली आहे. (Flim News) सिनेमात कथेच्या केंद्रस्थानी स्त्री असल्याने प्रत्येक स्त्रीला हा सिनेमा कनेक्ट होणारा आहे. (Flim News)
शाहीर या सिनेमानंतर एका महिन्यात ‘बाईपण भारी देवा’ हा सिनेमा रिलीज करण्याचं इंद्रधनुष्य दिग्दर्शक केदार शिंदे यांनी हाती घेतलं आणि सिनेमा हिट होण्यात सफल झाला. या सिनेमानं केदार शिंदे यांच्या आयुष्यात मोठा बदल झाला. केदार शिंदेंच्या वैयक्तिक आयुष्यात स्त्रियांचा महत्त्वाचा भाग आहे. आई, आत्या, बहिणी, पत्नी, मुलगी, मैत्रिणी अशा अनेक स्त्रिया सतत त्यांच्याभोवती असतात. त्यामुळे अचूक नाळ पकडून ती सिनेमातून मांडण्यात ते यशस्वी झाल्याचं दिसत आहे.
‘बाईपण भारी देवा’च्या यशानंतर केदार शिंदे यांचा फॅन फॉलोविंग जबरदस्त वाढला आहे आणि या वाढलेल्या फॅन्समध्ये फिमेल फॅन्स सर्वाधिक आहेत. बाईपण भारी देवाच्या यशानंतर केदार शिंदेंच्या आयुष्यात झालेल्या बदलाविषयी बोलताना ते एका मुलाखतीत म्हणाले, ‘माझं एक इन्स्टाग्राम अकाऊंट हॅक झालं होतं. त्यानंतर मार्च एप्रिल महिन्यात मी माझं नवं इन्स्टाग्राम अकाऊंट तयार केलं. त्या अकाऊंटचे माझे फॉलोवर्स बघायचो तेव्हा तिथे 90 टक्के पुरूष आणि 10 टक्के स्त्रिया असायच्या. आताच्या घडीला तो आकडा 70 टक्के स्त्रिया आणि 30 टक्के पुरूषांवर आला आहे.
