Film News : ‘विजयी विश्व हुनर हमारा’ हा विश्वास घेऊन येत आहे सोनी एन्टरटेन्मेंट टेलिव्हिजनवरील टॅलेंट रियलिटी शो ‘इंडियाज गॉट टॅलेंट’चे नवे सत्र. ‘इंडियाज गॉट टॅलेंट’चे सीझन 10 सुरू होत आहे. 29 जुलै रोजी रात्री साडेनऊ वाजता. या कार्यक्रमात अशा सामान्य माणसांवर प्रकाश झोत असतो, ज्यांच्यात या प्रतिष्ठित मंचावर आपले अपूर्व कौशल्य दाखवून असामान्य बनण्याची क्षमता असते.(Film News)
‘इंडियाज गॉट टॅलेंट’चे सीझन 10 सुरू होत आहे.
या शोमध्ये डान्सर, गायक, जादूगार, रॅपर, बीटबॉक्सर, स्टंट करणारे वगैरे विविध कला प्रदर्शित करणारे कलाकार प्रेक्षकांना अवाक करतील. या सत्रात देशातील आजवर प्रकाशात न आलेली रत्ने आणि त्यांची अद्भुत प्रतिभा लोकांसमोर येईल.(Film News) रॅप आयकॉन बादशाह पुन्हा एकदा या सत्रात आपली परीक्षकाची भूमिका बजावणार आहे. रॅपिंगचे कसब, संगीताची समज आणि जबरदस्त ऊर्जा असलेला बादशाह प्रेक्षकांना अचंबित करणाऱ्या लक्षवेधी प्रतिभेचा शोध घेताना दिसेल.(Film News)
पुन्हा ही भूमिका बजावत असल्याचा आनंद व्यक्त करताना बादशाह म्हणतो, ‘इंडियाज गॉट टॅलेंटचे मागील सत्र पहिले असे सत्र होते, ज्यात मी परीक्षक म्हणून काम केले होते. तो माझ्या आयुष्यातील एक अत्यंत सुंदर अनुभव होता. या अनुपम प्रतिभावंतांच्या अस्सल भावनांचे आणि त्यांच्या संवेदनशीलतेचे प्रत्यक्ष दर्शन मला या मंचावर झाले आणि आपल्या देशात कसे कला संपन्न कलाकार आहेत, हे देखील मला अनुभवता आले.
