Film News : पुणे : बॉलीवुड अभिनेता संजय दत्त याचा चाहता वर्ग मोठा आहे. आपल्या हटके स्टाईलमुळे त्याने अनेक वर्षे बॉलीवुडवर राज्य केले आहे. आता या अभिनेत्याबाबत एक धक्कादायक बातमी समोर आली आहे. हा अभिनेता चित्रपटाच्या शुटिंग दरम्यान जखमी झाला आहे. संजय दत्त याचा ‘डबल आय स्मार्ट’ हा चित्रपट लवकरच प्रेक्षकांच्या भेटीला येणार आहे. या चित्रपटाचे चित्रीकरण सुरु आहे. चित्रपटातील एका ॲक्शन सीन दरम्यान दत्त जखमी झाला आहे. Film News
संजय दत्त एक दमदार व्यक्तिरेखा
अभिनेता संजय दत्त याचा ‘डबल आय स्मार्ट’ हा चित्रपट लवकरच प्रेक्षकांच्या भेटीला येणार आहे. या चित्रपटात तो खलनायकच्या भूमिकेत दिसणार आहे. नुकताच निर्मात्यांनी संजय दत्तच्या पहिल्या लूक पोस्टरचे अनावरण केले. ज्यात त्याची बिग बुलची भूमिका आहे. फर्स्ट लूक पोस्टरमध्ये, संजय दत्त सूटमध्ये दिसत आहे. एका क्लासी हेअरस्टाईल आणि मोठ्या दाढीत पोस्टरमध्ये तो दिसत आहे. सोबतच अंगठ्या, महागडे घड्याळ आणि चेहऱ्यावर आणि बोटांवर टॅटू आहे. तो सिगार ओढताना दिसत आहे. संजय दत्त एक दमदार व्यक्तिरेखा साकारत असल्याचे या पोस्टरवरून स्पष्ट होत आहे. याच चित्रपटात ॲक्शन सीन शुट करताना अभिनेता संजय दत्तला दुखापत झाली आहे. ही दुखापत जास्त गंभीर झालेली नसली तरी त्याच्या डोक्यावर टाके पडले आहेत. Film News
अभिनेता संजय दत्तच्या या बहुचर्चित चित्रपटाचे दिग्दर्शन पुरी जगन्नाथ यांनी केले आहे. यामध्ये अभिनेता विजय देवरकोंडा व अभिनेत्री अनन्या पांडे यांनी स्क्रीन शेअर केली होती. आता लवकरच ते हा नवा सिनेमा घेऊन प्रेक्षकांच्या भेटीस येणार आहे. हा चित्रपट अभिनेता संजय दत्त याचा पहिला तेलुगू चित्रपट ठरणार आहे. त्यामुळे प्रेक्षकांना देखील चित्रपटाची उत्सुकता लागली आहे. पुढील वर्षी ८ मार्च रोजी हा चित्रपट प्रेक्षकांच्या भेटीस येणार असल्याची चर्चा आहे. Film News
