पुणे : अभिनेता सोनू सूद यांनी आयएएस परीक्षेची तयारी करणाऱ्या विद्यार्थ्यांसाठी मोफत कोचिंग सुरू करणार आहे. सोनूने त्याच्या ट्विटर हँडलवर एक पोस्ट लिहिली आहे. यामध्ये त्याने कोचिंगबद्दलची माहिती दिली आहे. याबाबत त्याने एक ट्विट जाहीर केले आहे. यामध्ये सोनू सूदने लिहिलं, ‘चला मिळून नवा भारत घडवूया. २०२२-२३ ची संभाव्य सुरुवात. IAS परीक्षेसाठी मोफत ऑनलाइन कोचिंग.’ त्याने आणखी एका ट्विटमध्ये लिहिलं, ‘आयएएसची तयारी करायची असेल तर आम्ही तुमची जबाबदारी घेऊ.’ असे म्हण्यात आले आहे.
या मोफत कोचिंगसाठी विद्यार्थी सोनू सूद फाऊंडेशन ग्रुपच्या लिंकवर नोंदणी करू शकतात. याशिवाय नोंदणीसाठी फाऊंडेशनने ठरवून दिलेली फी भरावी लागेल. या कोचिंगद्वारे निवड झालेल्या विद्यार्थ्यांना देशातील सर्वोच्च नागरी सेवा संस्थांमध्ये मोफत ऑनलाइन आयएएस कोचिंग दिलं जाईल. याशिवाय फाऊंडेशनतर्फे विद्यार्थ्यांना शिष्यवृत्तीही दिली जाणार आहे.
चलो मिलकर एक नया भारत बनाते हैं l
Launching ‘Sambhavam 2022-23’. FREE online coaching for IAS exams.
Details on https://t.co/juJL7Wk4oo@diyanewdelhi@soodfoundation???????? pic.twitter.com/3srQPiYB7i— sonu sood (@SonuSood) September 11, 2022
कोरोना महामारी आणि लॉकडाऊनच्या काळात त्याने मुंबईत अडकलेल्या असंख्य मजुरांची त्यांच्या गावी जाण्यासाठी मदत केली होती. तेव्हापासून सोनू सूदचा उल्लेख ‘देवदूत’ असा करू लागले. त्याने फक्त लॉकडाऊनपुरतीच ही मदत केली नाही, तर त्यानंतरही त्याच्या मदतीचा ओघ सुरूच ठेवला. गरजूंना आरोग्य, शिक्षण, इतर सेवा पुरवण्यासाठी त्याने बरीच मेहनत घेतली.
दरम्यान, कोरोना लॉकडाऊनच्या काळात गरीब कामगारांसाठी देवदूत बनून त्यांच्या मदतीला धावून आला होता. आजही तो असंख्य लोकांना मदत करतोय. इतकंच नाही तर प्रत्येक आठवड्याच्या अखेरीस त्याच्या घराबाहेर मदत मागणाऱ्यांची मोठी रांग पहायला मिळते. देशभरातील विविध ठिकाणाहून लोक मदतीसाठी त्याच्या घराबाहेर रांग लावतात. स्वत: सोनू सूद त्यांची भेट करून त्यांना मदतीचं आश्वासन देतो.
