राजेंद्रकुमार शेळके
Demand for SFI : नारायणगाव, (पुणे) : अनुसूचित क्षेत्रातील उमेदवारांना पेसा क्षेत्रात रहात असल्याबाबतचे महसुली ग्रामपंचायतींकडून ग्रामसेवकाचे प्रमाणपत्र तत्काळ मिळावे, अशी मागणी स्टुडंट्स फेडरेशन ऑफ इंडियाच्या वतीने गटविकास अधिकारी व नायब तहसीलदार यांच्याकडे एका निवेदनाद्वारे करण्यात आली आहे. (Demand for SFI)
निवेदनात म्हटले आहे की, महाराष्ट्र शासनाच्या सरळसेवे अंतर्गत भरण्यात येणाऱ्या अनुसूचित क्षेत्रातील १७ संवर्गातील पदे भरली जातात. त्यापैकी सध्या महसूल व वन विभागाची भरती प्रक्रिया सुरू झाली आहे. परंतु पेसा क्षेत्रातील उमेदवारांना संबंधित भरती प्रक्रियेसाठी पेसा क्षेत्राचा रहिवासी दाखला अनिवार्य केला आहे. (Demand for SFI)
दरम्यान, पेसा क्षेत्रातील ग्रामपंचायतींकडून कोणतीही कार्यवाही करण्यात आली नसल्याचे संघटनेने म्हटले आहे. यासंदर्भात लक्ष घालून तत्काळ कार्यवाही करण्याचे आदेश द्यावेत, अशी मागणी स्टुडंट्स फेडरेशन ऑफ इंडियाने केली आहे. (Demand for SFI)
