लोणी काळभोर – नवोन्मेष आणि उद्योजकतेला चालना देण्यावर भर देणारा एक महत्त्वाचे शिखर संमेलन, सितारा नॅशनल इनोव्हेशन अँड स्टार्टअप समिट २०२३,हे लोणी काळभोर (ता. हवेली) येथील एमआयटी-एडीटी विद्यापीठात गुरुवारी (ता.१० ऑगस्ट) झाले. हे संमेलन पेरा इंडिया, फास्ट इंडिया, डिजिटल इम्पॅक्ट स्केवयर, वाधवानी फाउंडेशन, ट्रूस्कॉलर, आणि इन्स्टिट्यूशन इनोव्हेशन कौन्सिल च्या सहकार्याने आयोजित करण्यात आला होता.
समिटची सुरुवात डॉ. सुराज भोयर, कार्यक्रमाचे संयोजक आणि अटल इनोव्हेशन मिशनचे मेंटॉर यांच्या हार्दिक स्वागताने झाली. त्यांनी विद्यापीठाच्या कला, डिझाइन आणि तंत्रज्ञान शिक्षणाच्या अद्वितीय मिश्रणावर प्रकाश टाकला. डॉ. भोयर यांनी विद्यापीठातील इनोव्हेशन इकोसिस्टम आणि विद्यार्थ्यांमधील उद्योजकतेच्या चळवळीला चालना देण्यासाठी केलेल्या उपक्रमांची माहिती दिली.
सितारा इनोव्हेशन आणि स्टार्टअप समिटमध्ये फास्ट इंडिया द्वारे “भारतीय विद्यापीठांमध्ये संशोधन व्यवस्थापन आणि नाविन्यपूर्ण फ्रेमवर्क” या विषयावरील सर्वसमावेशक अहवालाचे अनावरण देखील करण्यात आले. फास्ट इंडियाचे धोरण आणि संशोधन संचालक मुदित नारायण यांनी अहवालाचे महत्त्व अधोरेखित केले.
डॉ. मोहित दुबे यांनी नॅशनल रिसर्च फाउंडेशन बिल पास झाल्याची नोंद केली आणि विकासात विज्ञानाच्या अविभाज्य भूमिकेवर भर दिला. दुबे यांनी खाजगी विद्यापीठांच्या नावीन्यपूर्ण प्रयत्नांची प्रशंसा केली आणि अभ्यासक्रमात कॉर्पोरेट सहयोग समाकलित करण्याचा एमआयटी एडीटी विद्यापीठाचा प्रवास शेअर केला.
प्रमुख पाहुणे म्हणून अटल (ATAL) इनोव्हेशन मिशनचे माजी आणि प्रथम संचालक रामनन यांनी शिखर परिषदेला संबोधित केले, भारताची लोकसंख्या सामर्थ्य आणि तरुण लोकसंख्येचे महत्त्व यावर लक्ष केंद्रित केले. त्यांनी भारताच्या वाढत्या स्टार्टअप लँडस्केपचे कौतुक केले आणि विद्यापीठांमध्ये संरचित संशोधन व्यवस्थापनाच्या गरजेवर भर दिला.
रामनन यांनी एमआयटी एडीटी विद्यापीठाच्या प्रयत्नांची प्रशंसा केली आणि विद्यार्थ्यांना समाजावर कायमस्वरूपी प्रभाव टाकून सीमांच्या पलीकडे विचार करण्यास प्रोत्साहित केले. रामनन यांनी सप्टेंबर २०२३ च्या दुसऱ्या आठवड्यात एमआयटी-एडीटी विद्यापीठात होणार्या आगामी “एमआयटी-अभिविकल्प” हॅकाथॉनचे उद्घाटन केले.
जागतिक कीर्तीचे शास्त्रज्ञ डॉ. नानासाहेब थोरात, सुश्री अनिंदिता बॅनर्जी, जनक नाबर, डॉ. प्रेमनाथ आणि संदिप शिंदे यांच्यासह मान्यवर सदस्य, भारतीय विद्यापीठांमध्ये संशोधन परिसंस्था मजबूत कशी करता येईल यावर पॅनल डिस्कशन ही आयोजित करण्यात आले होते.
त्यानंतर ट्रूस्कॉलर स्टार्टअपचे सीए मयूर झंवर यांनी ब्लॉकचेन-संचालित प्रमाणपत्र, वर्धित पडताळणी, डिजिलॉकरशी असलेले एकमेव इंटेग्रेशन आणि त्यांचे महत्व सादर केले.
समिटचा समारोप डायनॅमिक रिसर्च, इनोव्हेशन आणि स्टार्टअप प्रोजेक्ट्स च्या शोकेसनी झाला, जिथे ३०० हून अधिक तरुण द्रष्ट्यांनी त्यांच्या कल्पक कल्पना, प्रकल्प, प्रोटोटाइप आणि स्टार्टअप्सचे प्रदर्शन केले.
दरम्यान, उल्लेखनीय पुरस्कारांमध्ये सेरेब्रोस्पार्क इनोव्हेशन्सने जिंकलेला मोस्ट इम्पॅक्टफुल स्टार्टअप पुरस्कार; डिफेन्स फोर्जने मिळवलेला सर्वोत्कृष्ट नाविन्यपूर्ण उत्पादन पुरस्कार; डायबेटिक रेटिनोपॅथी तपासणीसाठी प्रतिष्ठित सर्वोत्कृष्ट संशोधन प्रकल्प पुरस्कार; आणि इमर्जिंग इनोव्हेटर पुरस्कार प्राप्तकर्ता म्हणून १० वीच्या इयत्तेत शिकणाऱ्या कनिष्क देशमुखचे कौतुक करण्यात आले.
या संमेलनासाठी प्रा. धिमंत पांचाळ, डॉ. किशोर रवंदे, डॉ. ज्ञानदेव नीलवर्णा, डॉ. वीरेंद्र भोजवानी, प्रा. हर्षित देसाई, डॉ. अतुल पाटील, डॉ. रेणू व्यास, डॉ. नीरजा जैन यांचे विशेष सहकार्य मिळाले.
