Soyabean Market Rate : यंदा जास्त पावसामुळे सोयाबीनच्या उत्पादनात मोठी घट झाली आहे. याचाच परिणाम बियाण्याच्या सोयाबीनला बाजारात प्रचंड मागणी आहे. यामुळे सोयाबीनचे दर झपाट्याने वाढलेले दिसून येत आहेत. सध्या बाजारात साधारण सोयाबीनीच्या भावापेक्षा बियाणे दर्जाच्या सोयाबीनला प्रति क्विंटल 6 हजार ते 8 हजार रुपये येवढा दर मिळत आहे. बियाणे कंपन्यांकडून या दर्ज्याच्या सोयाबिनीला मोठ्या प्रमाणात खरेदी केली जात आहे.
यंदा पावसामुळे सोयाबीन पिकाची मोठी हानी झाली आहे. देशात महाराष्ट्र, राजस्थान आणि मध्य प्रदेश या राज्यांमध्ये सोयाबीनचे उत्पादन लक्षणीयरित्या घटले आहे. शेतात जास्त पाणी साचल्याने काही ठिकाणी सोयाबीनच्या शेंगा जागीच उगवल्या. यामुळे उत्पादनाला फटका बसला आहे. यामुळे या सोयाबीनचा वापर बियाण्यासाठी करण्यास जमणार नाही.
ऊच्च प्रतीच्या सोयाबीनला प्रति क्विंटल 7,500 ते 8,000 रुपये Soyabean Rate
दरम्यान, बियाणे कंपन्यांना पुढील हंगामासाठी ऊच्च प्रतीचे सोयाबीन बियाणे तयार करण्यासाठी बाजारात मोठ्या प्रमाणात खरेदी केली जात आहे. समोर आलेल्या आकडेवारीनुसार, बाजारात ऊच्च प्रतीच्या सोयाबीनला प्रति क्विंटल 7,500 ते 8,000 रुपये दर मिळत आहे. तर सामान्य दर्जाच्या सोयाबीनला सरासरी 4,200 ते 4,600 रुपयांच्या दरम्यान दर मिळत आहे.
सोयाबीनचा हमीभाव 5,328 रुपये प्रति क्विंटल Soyabean Market Rate
सध्या बाजारात सोयाबीनचा हमीभाव 5,328 रुपये प्रति क्विंटल निश्चित करण्यात आला आहे. मात्र प्रत्यक्ष बाजारात हमी भावापेक्षा कमी भाव मिळत आहे. त्यामुळे शेतकऱ्यांना तोटा सहन करावा लागत आहे. मात्र, उच्च दर्जाच्या सोयाबीनच्या वाढत्या मागणीमुळे काही शेतकऱ्यांना दिलासा मिळत असल्याचे बोलले जात आहे.
