Hero MotoCorp: नवी दिल्ली: ईडीने हीरो मोटोकॉर्पचे सीएमडी आणि अध्यक्ष पवन मुंजाल यांची २४.९ कोटी रुपयांची स्थावर मालमत्ता जप्त केली आहे. या बातमीचा परिणाम कंपनीच्या शेअर्सवर दिसून येत आहे. कंपनी शेअर्स हे दोन टक्क्यांनी घसरले आहेत. ईडीने पवन मुंजाल यांच्या तीन स्थावर मालमत्ता जप्त केल्या आहेत. याशिवाय आणखी काही मालमत्ताही जप्त करण्यात आल्या आहेत.
ईडीने जप्त केलेल्या मालमत्तांसह 50 कोटी रुपयांची मालमत्ता ताब्यात घेतली आहे. मनी लाँडरिंग प्रतिबंधक कायद्यांतर्गत ही कारवाई करण्यात आली आहे. ईडीने स्वतः ट्विट करून ही माहिती दिली आहे.
ED has attached 03 immovable properties located at Delhi worth Rs. 24.95 Crore (approx.) under the provisions of PMLA, 2002 belonging to Pawan Kant Munjal, CMD & Chairman, M/s Hero MotoCorp Ltd in connection with a money laundering investigation. The total value of seizure and…
— ED (@dir_ed) November 10, 2023
ऑगस्टमध्येही छापेमारी
ईडीने ऑगस्टमध्ये मुंजाल यांच्याशी संबंधित कंपन्यांवर छापे टाकले होते. हा रेड केवळ पीएमएलए म्हणजेच मनी लाँड्रिंगच्या बाबतीत करण्यात आली होती. मुंजाल यांच्याविरोधात महसूल गुप्तचर संचालनालयाने (डीआरआय) हा गुन्हा दाखल केला होता. डीआरआयने दाखल केलेल्या आरोपपत्रात मुंजाल यांच्यावर भारतातून अवैधरित्या परकीय चलन काढल्याचा आरोप आहे. डीआरआयच्या म्हणण्यानुसार 54 कोटी रुपयांचे विदेशी चलन बेकायदेशीरपणे परदेशात नेण्यात आले आहे.
मागील वर्षी देखील रेड
मार्च 2022 मध्ये आयकर विभागाने कर फसवणुकीच्या संदर्भात Hero MotoCorp आणि मुंजाल यांच्या अनेक ठिकाणांवर छापे टाकले होते. त्यानंतर जूनमध्ये, कॉर्पोरेट व्यवहार मंत्रालयाने कथित फंड डायवर्जन प्रकरणात मुंजाल यांच्याविरोधात चौकशी सुरू केली.
