राहुलकुमार अवचट
Yawat | यवत : केडगाव येथे इलेक्ट्रॉनिक्स वस्तू खरेदी करण्यासाठी गेलेल्या अंगणवाडी सेविकेच्या ४ लाखाच्या सोन्याच्या दागिन्यांवर २ महिला चोरट्यांनी मारला डल्ला मारल्याची धक्कादायक घटना बुधवारी (ता.१९) अडीज वाजण्याच्या सुमारास घडली आहे.
याप्रकरणी अंगणवाडी सेविका राणी राजेंद्र ढवळे ( रा.कडेठाण ता.दौंड जि.पुणे) यांनी यवत पोलीस ठाण्यात फिर्याद दिली आहे. त्यानुसार दोन महिला चोरट्यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी ढवळे या केडगाव (ता. दौंड) गावच्या हद्दीतील आदित्य इलेक्ट्राॅनिक्स दुकानात वस्तू खरेदी करण्यासाठी गेल्या होत्या.
तेव्हा दोन अज्ञात महिला चोरट्यांनी फिर्यादी यांच्या पर्समधील साडेतीन तोळे वजनाची गळ्यातील मोहनमाळ, २ तोळे चोकर , २ तोळे वजनाचे कानातले वेल, झुबे व अर्धा तोळे वजनाचे गळयातील पदक (डोर्ले) असे एकूण ८ तोळे वजनाचे अंदाजे ४ लाख रुपये किंमतीचे दागिने चोरी केले.
दरम्यान, राणी ढवळे यांनी यवत पोलीस ठाण्यात फिर्याद दिली आहे. त्यानुसार दोन महिला चोरट्यांच्या विरोधात गुन्हा दाखल करण्यात आला आहे. पुढील तपास सहाय्यक फौजदार गाडेकर हे करीत आहेत
अधिक बातम्या वाचण्यासाठी येथे क्लिक करा….!
Nagar Crime : कोतवाली पोलिस ठाण्यातील रेकॉर्डवरील दोन गुन्हेगार दोन वर्षांसाठी तडीपार
