राहुलकुमार अवचट
Yavat News : यवत : नदीतील मासे पकडू देत नाही म्हणून एकाला शिवीगाळ, दमदाटी करून लाथा-बुक्क्यांनी व लोखंडी रॉड डोक्यात मारून बेदम मारहाण केल्याची घटना मिरवडी येथे घडली आहे. याप्रकरणी दोघांविरूद्ध यवत पोलीस स्टेशन येथे गुन्हा दाखल करण्यात आला आहे.
दोघांविरूद्ध यवत पोलीस स्टेशन येथे गुन्हा दाखल
याबाबत मिळालेल्या अधिक माहितीनुसार, १७ ऑक्टोबर रोजी रात्री आठ वाजण्याच्या सुमारास निलेश कचर नितनवरे हे मिरवडी गावच्या हद्दीत एका गुऱ्हाळासमोरील रस्त्यावर थांबले असता, दोघे जण तेथे आले. (Yavat News) यातील सुभाष भोलेनाथ काची याने, ‘तुमच्या हद्दीत मासे पकडण्यासाठी आलो तर मला मासे का पकडू देत नाही,’ अशी विचारणा करून, सुभाष काची व विशाल थोरात यांना शिवीगाळ, दमदाटी करून लाथा-बुक्क्यांनी मारहाण केली. तसेच लोखंडी रॅाडने डोक्यात मारहाण केली.
याबाबत निलेश कचर नितनवरे यांनी यवत पोलीस ठाण्यात फिर्याद दिली असून, सुभाष भोलेनाथ काची व विशाल थोरात (दोघेही रा. हिंगणगाव, ता. हवेली, जि. पुणे) यांच्याविरुद्ध यवत पोलीस ठाण्यात गुन्हा दाखल करण्यात आला आहे. (Yavat News) याबाबत पुढील तपास यवत पोलीस स्टेशनचे पोलीस निरीक्षक हेमंत शेडगे यांच्या मार्गदर्शनाखाली पोलीस नाईक जाधव करीत आहेत.
अधिक बातम्या वाचण्यासाठी येथे क्लिक करा :
Yavat News : यवतच्या रश्मी दरेकर ठरल्या ‘होम मिनिस्टर’मधील पैठणीच्या मानकरी
Yavat News : दहिटणे येथे जिल्हा परिषदेच्या शाळेतील विद्यार्थ्यांनी लुटला महाभोंडल्याचा आनंद
