राहुलकुमार अवचट
Yavat Murder Case | यवत : अनैतिक संबधात अडथळा ठरत असल्याने, पत्नीने प्रियकराच्या मदतीने पतीचा काढला काटा काढल्याचा प्रकार दौंड तालुक्यातील भांडगाव येथे उघडकीस आला आहे. आपला पती काही दिवसांपासून बेपत्ता झाल्याची तक्रार महिलेने यवत पोलीस ठाण्यात दिली होती. मात्र यवत पोलिसांनी हालचाली करत, पत्नीसह प्रियकराला केली अटक केली आहे.
सुनील पांडुरंग जगताप (रा.भांडगाव ता. दौड) हे त्या खुन झालेल्या व्यक्तीचे नाव असुन, याप्रकरणी शितल सुनिल जगताप हिच्यासह प्रियकर, अतुल प्रभाकर चौगुले (सध्या रा भांडगाव ता. दौंड जि. पुणे मुळ रा पाटेठाण ता.दौंड जि.पुणे ) या दोघांना यवत पोलिसांनी सुनिल जगताप याचा खुन केल्याच्या आरोपावरुन अटक केली आहे.
विहिरीमध्ये मृतदेह पाण्यात तरंगत…
यवत पोलिसांनी दिलेल्या माहितीनुसार, भांडगाव येथील शितल जगताप यांनी आपला पती सुनील जगताप हे बेपत्ता झाल्याची तक्रार यवत पोलीस ठाण्यात बुधवारी ( ता.१७ ) दिली. त्यानंतर दुसऱ्या दिवशी गुरुवारी (दि.१८) या बेपत्ता असलेल्या सुनील जगताप याचा घरापासून काही अंतरावर असलेल्या बाळासाहेब भिंताडे यांच्या विहिरीमध्ये मृतदेह पाण्यात तरंगत असल्याचे आढळून आला.
या घटनेची माहिती मिळताच पोलीस उपनिरीक्षक प्रशांत मदने यांनी तत्काळ घटनास्थळी धाव घेत मृतदेह पाण्यातून बाहेर काढला. मृत सुनील जगताप याच्या डोक्याला जखम असल्याचे यावेळी निदर्शनास आल्याने पोलिसांचा संशय अधिकच बळावला आणि पोलिसांनी अवघ्या काही तासातच या गुन्ह्याचा छडा लावला.
फिर्यादी शितल जगताप व अतुल चौगुले या दोघांमध्ये प्रेमसंबंध होते. पती हे सतत दारू पिऊन त्रास देत असल्याने शितल जगताप व तिचा प्रियकर अतुल चैघुले या दोघांनी १५ मे २०२३ रोजी पहाटे ५ वाजण्याच्या सुमारास सुनिल जगताप हे घरासमोर झोपलेला असताना त्याच्या डोक्यात दगड घालुन खून केला.
अधिक बातम्या वाचण्यासाठी येथे क्लिक करा….!
Yavat News | यवत येथून १० वर्षीय अल्पवयीन मुलीचे अपहरण..!
