लोणी काळभोर, ता. 20 : कदमवाकवस्ती (ता. हवेली) येथील “माईलस्टोन 09” हॉटेलमध्ये पिस्टल आणि चाकूसारखी धारदार शस्त्रे हातात घेऊन चार जणांनी रविवारी (ता. 19 ) पहाटे दोन वाजण्याच्या सुमारास जबरदस्तीने प्रवेश केला. “निलेश काळभोर (nilesh kalbhor) याचा आज गेम वाजवायचा वाजवायचा होता” अशी धमकी देऊन आरडाओरड व शिवीगाळ करत राडा घातला आहे. दहशत माजविणाऱ्या गुंडांच्या विरोधात लोणी काळभोर पोलीस ठाण्यात विविध गंभीर कलमान्वये गुन्हा दाखल करण्यात आला आहे. (nilesh kalbhor)
अस्लम अल्ताफ शेख, ‘पम्या’ (पूर्ण नाव अज्ञात), ‘आकाश’ (पूर्ण नाव अज्ञात) व एका अनोळखी इसमाच्या विरोधात गुन्हा दाखल करण्यात आला आहे. याप्रकरणी हॉटेल व्यावसायिक सुर्यकांत बापुसाहेब उंद्रे (वय 40, रा. मांजरी खुर्द) यांनी लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी सुर्यकांत उंद्रे यांचे कदमवाकवस्ती येथे माईलस्टोन 09” नावाचे हॉटेल आहे. उंद्रे यांनी शनिवारी नेहमीप्रमाणे शनिवारी (ता.18) रात्री 11 वाजता हॉटेल बंद केले होते. त्यानंतर उंद्रे व हॉटेल मॅनेजर नितेश हेगडे किचनमध्ये साफसफाई करत होते. दरम्यान, रविवारी (ता. 19 एप्रिल) पहाटे साधारण 2 वाजण्याच्या सुमारास चार अनोळखी इसमांनी वॉचमनला धमकावत गेट उघडण्यास भाग पाडले आणि आत प्रवेश केला.
हॉटेलमध्ये घुसताच आरोपींनी (nilesh kalbhor) “निलेशदादा काळभोर कुठे आहेत?” अशी विचारणा करत संपूर्ण हॉटेलची झडती घेण्यास सुरुवात केली. उंद्रे यांनी “हॉटेल बंद आहे, आत कोणी नाही” असे सांगूनही आरोपींनी ऐकले नाही. यावेळी एका इसमाच्या हातात चाकू असल्याचे स्पष्ट दिसत होते. उंद्रे व मॅनेजर यांनी कसाबसा समजावून आरोपींना बाहेर काढले. मात्र, बाहेर जात असतानाच जर्किन घातलेला एक इसम पुन्हा आत आला. त्याच्या हातात पिस्टल होती. त्याने उंद्रे यांचे नाव विचारले आणि स्वतःचे नाव अस्लम अल्ताफ शेख असल्याचे सांगितले. यानंतर त्याने उघड धमकी देत सांगितले, “निलेश काळभोरचा आज गेम वाजवायचा होता!”
ही धमकी देऊन सर्व आरोपी बाहेर उभ्या असलेल्या कारमध्ये बसून पळून गेले. त्यांच्या हातात शस्त्रे असल्याने उंद्रे व कर्मचाऱ्यांना बाहेर जाण्याचीही भीती वाटत होती. आरोपी निघून गेल्यानंतर उंद्रे यांनी तत्काळ 112 या आपत्कालीन क्रमांकावर कॉल करून पोलिसांना माहिती दिली.लोणी काळभोर पोलिसांनी घटनास्थळी भेट देत पंचनामा केला. या प्रकरणी चौघांच्याविरुद्ध लोणी काळभोर पोलीस ठाण्यात शस्त्र अधिनियम 1959 चे कलम 25(3), महाराष्ट्र पोलीस अधिनियम तसेच भारतीय न्याय संहिता (BNS) 2023 मधील विविध कलमांन्वये गुन्हा दाखल करण्यात आला आहे. (nilesh kalbhor)
