Wagholi News : पुणे : पुणे- नगर रस्त्यावर वाघोली परिसरात नवजात अर्भकाला जमिनीत पुरल्याचा प्रकार नुकताच उघडकीस आला आहे. याप्रकरणी लोणीकंद पोलिस ठाण्यात अज्ञात व्यक्तींच्या विरोधात गुन्हा दाखल करण्यात आला आहे. वाघोलीतील विठ्ठलवाडी परिसरात हि घटना उघडकीस आली आहे.
गुन्हा दाखल
मिळालेल्या माहितीनुसार, वाघोलीतील विठ्ठलवाडी परिसरात नवजात अर्भक जमिनीत पुरल्याची माहिती लोणीकंद पोलिसांना मिळाली होती. पोलिसांनी नवजात अर्भकाला त्वरित रुग्णालयात दाखल केले. उपचारांपूर्वीच त्याचा मृत्यू झाला होता.
दरम्यान, नवजात अर्भकाचा जन्म अनैतिक संबंधातून झाल्याचा संशय पोलिसांनी व्यक्त केला आहे. पोलिस उपनिरीक्षक प्रियंका पवार तपास करत आहेत.
