(Viral Video ) पुणे : शहरात वाढत्या गुन्हेगारीमुळे तणावाचे वातावरण आहे. शांत पुण्यात आता तरुणांचे भर रस्त्यातच महिलांची छेड काढण्याचे धाडस वाढले आहे. असाच एक प्रकरा घडल्याचे समोर आले आहे.
घटनेचा व्हिडिओ सोशल मीडियावर व्हायरल….!
पुण्यातील रस्त्यावर दोन तरूणांनी महिलेच्या गाडीसमोर दुचाकी हळू चालवत महिलेला ओव्हरटेक करण्यापासून रोखले आहे. या घटनेचा एक व्हिडिओ सोशल मीडियावर व्हायरल झाला आहे. औंध रावेत बीआरटीएस रस्त्यावर हा प्रकार घडला आहे.
https://twitter.com/datta_lawande96/status/1636222210422763521?s=20
महिला तिच्या पती आणि लहान बाळासोबत प्रवास करत असताना दोन तरूण एका दुचाकीवर वेडीवाकडी गाडी चालवताना दिसत आहेत. एका तरूणाने पिवळा शर्ट घातला असून ते मुद्दाम हळू गाडी चालवत आहेत.
दरम्यान, गाडीतून हॉर्नचा आवाज आल्यानंतरही या तरूणांनी आपल्या गाडीचा वेग कमीच ठेवला. तर महिलेच्या पतीने या तरूणांचा व्हिडिओ शूट केला आहे. हा व्हिडिओ सोशल मीडियावर व्हायरल झाला असून अनेकांनी या व्हिडिओवर आपल्या संतप्त प्रतिक्रिया व्यक्त केल्या आहेत.
