पुणे : सासरच्या मानसिकाने शारीरिक त्रासाला कंटाळून वैष्णवी हगवणे तिने राहत्या घरात आत्महत्या केली. या घटनेतील आरोपी वैष्णवी हगवणे हिची सासू लता हगवणे, नणंद करिश्मा हगवणे, पती शशांक हगवणे यांना पुण्यातील शिवाजीनगर कोर्टाने काल 1 दिवसांची पोलीस कोठडी सुनावली होती. यानंतर त्यांना आज पुन्हा एकदा कोर्टात हजर करण्यात आलं. कोर्टाने आज दोन्ही बाजूंचा युक्तिवाद ऐकून घेतल्यानंतर वैष्णवीची सासू, नणंद आणि पतीला 14 दिवसांची न्यायालयीन कोठडी सुनावली आहे. त्यामुळे तिघांचा जामिनाचा मार्ग मोकळा झाला आहे.
वैष्णवी हगवणे प्रकरणातील पाचही आरोपींची पोलीस कोठडी संपल्यानंतर त्यांना न्यायालयात हजर करण्यात आलं. वैष्णवी हगवणेचा पती, सासू आणि नणंद यांना एक दिवसाची तर सासरे आणि दीर यांना 31 मे पर्यंत पोलीस कोठडी सुनावण्यात आली होती. आज पती शशांक हगवणे, सासू लता हगवणे, नणंद करिष्मा हगवणे यांना शिवाजीनगर सत्र न्यायालयाने 14 दिवसाची न्यायालयीन कोठडी सुनावली आहे.त्यामुळे ते जामिनासाठी कोर्टात अर्ज करु शकतात. यानंतर त्यांना अटी-शर्तींच्या अधून राहून जामीन मिळू शकतो.
दरम्यान वैष्णवीचा सासरा राजेंद्र हगवणे आणि दीर सुशील हगवणे यांना तीन दिवसांची पोलीस कोठडी सुनावली होती. दोन दिवसांत त्यांची पोलीस कोठडी संपेल. त्यानंतर कोर्ट त्यांना न्यायालयीन कोठडी देतं का? ते पाहणं महत्त्वाचं आहे. दरम्यान न्यायालयीन कोठडी मिळाल्यानेतर इतर हगवणे कुटुंबियांकडून जामिनासाठी अर्ज करण्यात आल्याची देखील माहिती समोर येत आहे.
6:14 pm
