पुणे : पुणे शहर गुन्हे शाखेच्या सामाजिक सुरक्षा विभागाने धनकवडी येथील फाईव्ह स्टार सोसायटीच्या परिसरात दोन जुगार अड्ड्यांवर छापा टाकला आहे. या छाप्यामध्ये ३५ जणांवर गुन्हा दाखल करण्यात आले आहेत.
जुगार अड्डा मालक गुंड सुनील निर्मळ, कामगारांसह जुगार खेळणारे अशा ३५ जणांच्या विरोधात गुन्हा दाखल करण्यात आला. या कारवाईत ९ हजार ७० रुपयांची रोकड, १६ मोबाइल संच, जुगाराचे साहित्य असा एक लाख ५६ हजारांचा मुद्देमाल जप्त करण्यात आला.
पोलिसांनी दिलेल्या माहितीनुसार, धनकवडीतील फाईव्ह स्टार सोसायटीच्या परिसरात सराईत गुंड सुनील निर्मळ दोन वेगवेगळे जुगार अड्डे चालवित असल्याची माहिती गुन्हे शाखेच्या सामाजिक सुरक्षा विभागाला मिळाली. मिळालेल्या माहितीच्या अनुशंघाने पथकाने सदर ठिकाणी छापा टाकला. या कारवाईत जुगार अड्डा मालक गुंड सुनील निर्मळ, कामगारांसह जुगार खेळणारे अशा ३५ जणांच्या विरोधात गुन्हा दाखल करण्यात आला. तर ९ हजार ७० रुपयांची रोकड, १६ मोबाइल संच, जुगाराचे साहित्य असा एक लाख ५६ हजारांचा मुद्देमाल जप्त करण्यात आला.
दरम्यान, जुगार अड्ड्याचा मालक निर्मळ हा फरार झाला आहे. पोलीस त्याच्या मागावर आहेत. तरी, पुढील तपास पोलीस करीत आहेत.
हि कारवाई अतिरिक्त पोलीस आयुक्त रामनाथ पोकळे, उपायुक्त श्रीनिवास घाडगे यांच्या मार्गदर्शनाखाली वरिष्ठ पोलीस निरीक्षक राजेश पुराणिक, उपनिरीक्षक सुप्रिया पंढरकर, राणे, चव्हाण, इरफान पठाण, माने आणि साबळे यांच्या पथकाने केली आहे.
